Vijay Devarakonda: ఫ్యామిలీ స్టార్ సినిమాపై అటాక్.. విజయ్ దేవరకొండ టీమ్ సంచలన నిర్ణయం
ఏప్రిల్ 05న విడుదలైన ఈ సినిమాకు మిక్స్ డ్ టాక్ వచ్చింది. సహజంగా అన్ని సినిమాలపై ఉన్నట్లుగానే విజయ్ సినిమాపై ట్రోలింగ్ మొదలైంది. అయితే ఫ్యామిలీ స్టార్ సినిమా విషయంలో ఇది కాస్తా శ్రుతిమించిందని తెలుస్తోంది. ఈ నేపథ్యంలో విజయ్ దేవరకొండ టీమ్ కీలక నిర్ణయం తీసుకుంది.
సోషల్ మీడియాలో సెలబ్రిటీలు ఒక్కోరు ఒక్కో రకంగా ట్రోల్ అవుతున్నారు . ఇది క్రమంగా వారి సినిమాలపై ప్రతికూల ప్రభావం చూపుతోంది. ఇప్పుడు విజయ్ దేవరకొండ నటించిన ‘ది ఫ్యామిలీ స్టార్’ సినిమాకు ఇదే పరిస్థితి ఎదురైంది. ఏప్రిల్ 05న విడుదలైన ఈ సినిమాకు మిక్స్ డ్ టాక్ వచ్చింది. సహజంగా అన్ని సినిమాలపై ఉన్నట్లుగానే విజయ్ సినిమాపై అటాక్ మొదలైంది. అయితే ఫ్యామిలీ స్టార్ సినిమా విషయంలో ఇది కాస్తా శ్రుతిమించిందని తెలుస్తోంది. ఈ నేపథ్యంలో విజయ్ దేవరకొండ టీమ్ కీలక నిర్ణయం తీసుకుంది. ‘ఫ్యామిలీ స్టార్’ పై నెగెటివ్ ప్రచారం చేస్తున్న వారిపై సైబర్ పోలీసులకు ఫిర్యాదు చేసినట్లు సమాచారం. విజయ్ దేవరకొండను టార్గెట్ గా చేసుకుని ఓ వర్గం అతనిపై దుష్ప్రచారం చేసిందని, ఈ కారణంగా ఫ్యామిలీ స్టార్ సినిమా నష్టపోతోందని చిత్ర బృందం ఆందోళన వ్యక్తం చేసింది. ‘ఫ్యామిలీ స్టార్’ సినిమాను సోషల్ మీడియాలో ట్రోల్ చేసిన వారిపై చట్టపరమైన చర్యలు తీసుకోవాలని మూవీ యూనిట్ నిర్ణయించింది. ఈ మేరకు విజయ్ దేవరకొండ మేనేజర్, అభిమాన సంఘం అధ్యక్షుడు సైబర్ పోలీస్ స్టేషన్‌లో ఫిర్యాదు చేసినట్లు సమాచారం.
ఫిర్యాదుతో పాటు పలువురు సాక్షులను కూడా బయటపెట్టారు. సినిమాపై ట్రోల్ చేసిన సోషల్ మీడియా ఖాతాల స్క్రీన్ షాట్లను పోలీసులకు అందించారు. మరి పోలీసులు దీనిపై ఎలాంటి చర్యలు తీసుకుంటారో చూడాలి. ‘ఫ్యామిలీ స్టార్’ సినిమాలో విజయ్ దేవరకొండకు జోడీగా బాలీవుడ్ స్టార్ హీరోయిన్ మృణాల్ ఠాకూర్ నటించింది. ‘సీతా రామం’, ‘హాయ్ నాన్న’ సినిమాలతో బ్యాక్ టు బ్యాక్ హిట్ కొట్టిన ఆమెకు ఇది మూడో సినిమా. ఈ సినిమాను దిల్ రాజు నిర్మించారు. పరశురామ్ దర్శకత్వం వహించారు. గతంలో విజయ్ దేవరకొండ నటించిన గీత గోవిందం చిత్రానికి పరశురామ్ దర్శకత్వం వహించారు. ఆ సినిమా సూపర్ హిట్ గా నిలిచింది. అయితే ఇప్పుడు వీరిద్దరి కాంబినేషన్‌లో వచ్చిన ‘ఫ్యామిలీ స్టార్’ సినిమా ఆశించిన స్థాయిలో వసూళ్లు రాబట్టలేదు.
A perfect family outing for you all this Sunday ❤️
Watch #TheFamilyStar at your nearest theatres 💥💥
Book your tickets for the perfect 𝗦𝗨𝗠𝗠𝗘𝗥 𝗙𝗔𝗠𝗜𝗟𝗬 𝗘𝗡𝗧𝗘𝗥𝗧𝗔𝗜𝗡𝗘𝗥 now! 🎟️ https://t.co/lBtal2ved3@TheDeverakonda @Mrunal0801 @ParasuramPetla #KUMohanan… pic.twitter.com/GdffqpvfxS
— Sri Venkateswara Creations (@SVC_official) April 7, 2024
మరిన్ని సినిమా వార్తల కోసం ఇక్కడ క్లిక్ చేయండి.
