Nana Patekar: నానా పటేకర్ మరణంపై అనుచిత వ్యాఖ్యలు.. బాలీవుడ్ నటిపై నెటిజన్ల తీవ్ర ఆగ్రహం

Nana Patekar, Tanushree Dutta

బాలీవుడ్ ప్రముఖ నటుడు నానా పటేకర్ (75) మరణవార్త చిత్ర పరిశ్రమను తీవ్ర దిగ్భ్రాంతికి గురిచేసింది. గురువారం (అక్టోబర్ 08) ఉదయం గోవాలోని తన ఇంట్లో నానా పటేకర్ అపస్మారక స్థితిలో కనిపించారు. వెంటనే ఆయనను ఆసుపత్రిలో చేర్చారు. వైద్యులు ఆయనను బ్రతికించడానికి శతవిధాలా ప్రయత్నించారు. సుమారు 45 నిమిషాల పాటు సీపీఆర్ చేసి నానాజీని బతికించేందుకు ట్రై చేశారు. అయితే ఫలితం లేకుండా పోయింది. ఉదయం 5:20 గంటల ప్రాంతంలో నానా పటేకర్ మరణించినట్లు వైద్యులు అధికారికంగా ప్రకటించారు. నానా మృతితో సినీ పరిశ్రమ తీవ్ర విషాదంలో మునిగిపోయింది. పలువురు సినీ, రాజకీయ ప్రముఖులు ఈ సీనియర్ నటుడి మృతిపై తీవ్ర దిగ్బ్రాంతి వ్యక్తం చేస్తున్నారు. సోషల్ మీడియా వేదికగా ఆయనకు నివాళులు అర్పిస్తున్నారు. అయితే ప్రముఖ నటి తనుశ్రీ దత్తా నానాజీ మరణంపై అనుచిత వ్యాఖ్యలు చేసింది.

తనుశ్రీ దత్తా తన ఇన్‌స్టాగ్రామ్ స్టోరీలో ఒక వీడియోను పంచుకున్నారు. ఆ వీడియోలో ఆమె ఇలా అన్నారు, .. ‘నేను ఆ వార్త విన్నాను. ఈరోజు నాకు చాలా పని ఉంది, దానిపైనే దృష్టి పెట్టాలనుకుంటున్నాను. నేను లక్నోలో ఒక పెద్ద కార్యక్రమానికి హాజరవుతున్నాను, ఆ కార్యక్రమం నాకు చాలా ముఖ్యం. నా రోజంతా ఆ పనితోనే గడిచిపోతుంది. నేను లైవ్‌స్ట్రీమ్ చేయాలి, పోస్ట్ చేయాలి, అన్నీ ఉన్నాయి. సాయంత్రానికి మీడియా దృష్టి మొత్తం ఈ ‘ఈవిల్ డెడ్’ మీదే ఉంటుందని నాకు తెలుసు. కాబట్టి, దీనిపై నేను తర్వాత స్పందిస్తాను. ఆయన కుటుంబానికి నా ప్రగాఢ సానుభూతి’ అని పేర్కొంది తనుశ్రీ దత్తా. నటి ఎవరి పేరునూ ప్రస్తావించనప్పటికీ, నానా పటేకర్ మరణం గురించే ఆమె మాట్లాడిందని తెలుస్తోంది. అయితే ఆయనకు నివాళి అర్పించే క్రమంలో తనుశ్రీ ‘ఈవిల్ డెడ్’ అనే పదాన్ని వాడటాన్ని నెటిజన్లు తీవ్రంగా వ్యతిరేకిస్తున్నారు. “తనుశ్రీ దత్తా సిగ్గుపడాలి. ఇటీవల మరణించిన ఒక సీనియర్ నటి పట్ల ఇలాంటి అవమానకరమైన భాషను ఉపయోగించడం అత్యంత దారుణం” అని ఒక నెటిజన్ ట్వీట్ చేశారు. “ఇది అత్యంత దారుణం!” అని మరో యూజర్ ట్వీట్ చేశారు.

కాగా నానా పటేకర్, తనుశ్రీ దత్తాల మధ్య వివాదం తలెత్తింది. తనుశ్రీ దత్తా నానా పటేకర్ పై అనేక తీవ్రమైన ఆరోపణలు చేసింది. 2018లో జరిగిన #MeToo ఉద్యమం సమయంలో, 2008లో వచ్చిన ‘హార్న్ ఓకే ప్లీజ్’ సినిమా షూటింగ్ సందర్భంగా నానా పటేకర్ తనను లైంగికంగా వేధించారని తనుశ్రీ ఆరోపించింది. దీని తర్వాత ఈ విషయం ముదిరి, నానా పటేకర్ పై ఒక కేసు కూడా నమోదైంది. జూన్ 2019లో, పోలీసులు మెట్రోపాలిటన్ మేజిస్ట్రేట్ కోర్టులో ‘బి-సమ్మరీ రిపోర్ట్’ దాఖలు చేశారు, అందులో నానాకు వ్యతిరేకంగా ఎలాంటి ఆధారాలు లభించలేదని పేర్కొన్నారు. 2025లో నానాపై దాఖలైన ఫిర్యాదును కొట్టివేశారు.

తనుశ్రీ దత్తా వీడియో..

This is Pathetic 😤😠

#TanushreeDutta says she’s heard about #NanaPatekar’s demise and is worried that her event might get affect by this. “Evil Dead.Such an odd day. I have an important event today and now this. Media will be asking questions and I’ll give my reaction to all of them.”

— $@M (@SAMTHEBESTEST_) October 8, 2026

మరిన్ని సినిమా వార్తల కోసం ఇక్కడ క్లిక్ చేయండి.