అటు భారతీయుడు 2 వివాదం కొనసాగుతుండగానే.. ఇటు చరణ్ సినిమా విషయంలో స్పీడ్ పెంచిన శంకర్
మెగా పవర్ స్టార్ రామ్ చరణ్ ప్రస్తుతం దర్శక ధీరుడు రాజమౌళి తెరక్కేక్కిస్తున్న ఆర్ ఆర్ ఆర్ సినిమాతో బిజీగా ఉన్నాడు. ఈ సినిమాలో చరణ్ అల్లూరి సీతారామ రాజుగా కనిపించనున్నాడు.
మెగా పవర్ స్టార్ రామ్ చరణ్ ప్రస్తుతం దర్శక ధీరుడు రాజమౌళి తెరక్కేక్కిస్తున్న ఆర్ ఆర్ ఆర్ సినిమాతో బిజీగా ఉన్నాడు. ఈ సినిమాలో చరణ్ అల్లూరి సీతారామ రాజుగా కనిపించనున్నాడు. ఇప్పటికే ఈ సినిమా షూటింగ్ చివరిదశకు చేరుకుంది. ఈ సినిమా తర్వాత చరణ్ ఎవరితో సినిమా చేయబోతున్నాడని మొన్నటివరకు అభిమానుల్లో ఆసక్తి నెలకొంది. అయితే సెన్సేషనల్ డైరెక్టర్ శంకర్ తో రామ్ చరణ్ సినిమా చేయబోతున్నట్టు అధికారికంగా ప్రకటించారు. దాంతో అభిమానుల ఆనందానికి అవధులు లేవు. అయితే శంకర్ ప్రస్తుతం కమల్ హాసన్ తో భారతీయుడు2 సినిమా చేస్తున్నాడు. ఈ సినిమా పూర్తయిన వెంటనే రామ్ చరణ్ సినిమాను పట్టాలెక్కించాలని ప్రయత్నిస్తున్నాడు. అయితే అనూహ్యంగా భారతీయుడు 2 సినిమా వివాదంలో చిక్కుకుంది.
ఇండియన్ 2 పూర్తి చేసే వరకు మరే సినిమాను చేయను అంటూ తమతో శంకర్ అగ్రిమెంట్ లో ఉన్న కారణంగా ఎవరు కూడా ఆయనతో సినిమా చేయకూడదు అంటూ లైకా వారు హెచ్చరిస్తున్నారు. లైకా వారి వివాదం కొనసాగుతూ ఉండగానే రామ్ చరణ్ తో శంకర్ సినిమా పనులు కూడా కొనసాగుతున్నాయి. ఈ సినిమా ప్రీ ప్రొడక్షన్ పనులు ఎప్పుడు మొదలవుతాయా అని అభిమానులు ఎదురుచూస్తున్నారు. కానీ ఆల్రెడీ శంకర్ ఆ పనులను పూర్తి చేశాడట. కథాపరంగా ఆయన కొన్ని లొకేషన్స్ ను అనుకున్నాడట. కరోనా ప్రభావం తగ్గగానే వెళ్లి చూసి ఫిక్స్ చేయనున్నాడని అంటున్నారు. దిల్ రాజు ఈ సినిమా ను నిర్మించబోతున్న విషయం తెల్సిందే. సినిమా లోని ఎక్కువ సన్నివేశాలను రియల్ లొకేషన్స్ లో చిత్రీకరించబోతున్నట్లుగా తెలుస్తోంది. దాంతో పాటు శంకర్ స్టైల్ లో పాటలకు భారీ సెట్టింగ్ లు కూడా వేయించబోతున్నారట. ప్రీ ప్రొడక్షన్ వర్క్ జూన్ జులై వరకు పూర్తి చేసి షూటింగ్ ను ప్రారంభించాలని దర్శకుడు శంకర్ భావిస్తున్నాడు.
మరిన్ని ఇక్కడ చదవండి :