RGV: 40 ఏళ్ల క్రితం ఇలాంటి అమ్మాయి కనిపించి ఉంటే.. నేను ఇప్పుడు ఇలా ఉండేవాడిని కాదు. ఆర్జీవీ వ్యాఖ్యలు.
Ram Gopal Varma: సందర్భం ఏదైనా, ఎక్కడ ఉన్నా అందరి అటెన్షన్ను తనవైపు తిప్పుకుంటారు దర్శకుడు రామ్ గోపాల్ వర్మ. ట్వీట్ చేసినా, ఓ ఇంటర్వ్యూ ఇచ్చిన అది కాంట్రవర్సీ అయ్యేలా చూస్తారు వర్మ...
Ram Gopal Varma: సందర్భం ఏదైనా, ఎక్కడ ఉన్నా అందరి అటెన్షన్ను తనవైపు తిప్పుకుంటారు దర్శకుడు రామ్ గోపాల్ వర్మ. ట్వీట్ చేసినా, ఓ ఇంటర్వ్యూ ఇచ్చిన అది కాంట్రవర్సీ అయ్యేలా చూస్తారు వర్మ. ఇక సినిమా వేడుకల్లో వర్మ చేసే పలు వ్యాఖ్యలు ఎప్పుడూ టాక్ ఆఫ్ ది ఇండస్ట్రీగా మారుతుంటాయి. ఈ క్రమంలోనే తాజాగా ‘డియర్ మేఘ’ సినిమా ప్రీరిలీజ్ ఈవెంట్ కార్యక్రమానికి ముఖ్య అతిథిగా హాజరైన వర్మ హీరోయిన్ మేఘ ఆకాశ్పై పలు ఆసక్తికర వ్యాఖ్యలు చేశారు. ఈ సందర్భంగా వర్మ మాట్లాడుతూ.. ’40 ఏళ్ల క్రితం నాకు ఇలాంటి అమ్మాయి కనిపించి ఉంటే, నేను ఇప్పుడు ఇలా ఉండేవాడిని కాదంటూ’ తనదైన శైలిలో హీరోయిన్పై పొగడ్తలు కురిపించారు. ఇక అంతటితో ఆగని వర్మ.. మేఘ చాలా స్వీట్గా ఉంటుందని, తనని కలిసిన వారికి డయాబెటిస్ వస్తుందని నా అభిప్రాయం అంటూ చమత్కరించారు.
ఇక మేఘను పొగిడినట్లే హీరో అదిత్ని కూడా పొగిడితే నన్ను మరోలా అనుకుంటారన్న వర్మ.. కాబట్టి నేను అలా చేయనని ఫన్నీగా మాట్లాడారు. అదిత్ మంచి నటుడని చెప్పిన వర్మ.. తనతో త్వరలోనే ఓ సినిమా చేయనున్నట్లు ప్రకటించారు. సినిమా పాటలు, టీజర్, ట్రైలర్ చాలా బాగున్నాయన్ని చెప్పిన ఈ సంచలన దర్శకుడు.. చిత్ర యూనిట్కు శుభాకాంక్షలు తెలిపారు. ఇదలా ఉంటే మేఘ ఆకాష్, అరుణ్ అదిత్ జంటగా తెరకెక్కిన ఈ సినిమాకు సుశాంత్ రెడ్డి దర్శకత్వం వహిస్తున్నారు. ప్రేమకథా చిత్రంగా తెరకెక్కిన ఈ సినిమాను సెప్టెంబర్ 3న థియేటర్లలో సందడి చేయనుంది.
Also Read: Suryapet: సూర్యాపేట జిల్లాలో అమానుష ఘటన.. మహిళను వివస్త్రను చేసి, కారం చల్లి ఊరేగించిన తండావాసులు
Bumble App: మీ ఫోన్లో ఈ యాప్ ఉందా.. అయితే వెంటనే డిలీట్ చేయండి. మరీ ముఖ్యంగా మహిళలు.