Samantha: సమంతకు దూకుడెక్కువ.. షాకింగ్ విషయాలను చెప్పిన ట్రైనర్ జునైద్..
టాలీవుడ్ స్టార్ హీరోయిన్ సమంత (Samantha) ప్రస్తుతం వరుస చిత్రాలతో బిజీ షెడ్యూల్ గడిపేస్తుంది. ఓవైపు సినిమాలు చేస్తూనే మరోవైపు.. సోషల్ మీడియాలోనూ ఫుల్ యాక్టివ్గా ఉంటుంది
టాలీవుడ్ స్టార్ హీరోయిన్ సమంత (Samantha) ప్రస్తుతం వరుస చిత్రాలతో బిజీ షెడ్యూల్ గడిపేస్తుంది. ఓవైపు సినిమాలు చేస్తూనే మరోవైపు.. సోషల్ మీడియాలోనూ ఫుల్ యాక్టివ్గా ఉంటుంది సామ్. ఎప్పుటికప్పుడు ఫోటోషూట్స్.. మోటివేషనల్ కోట్స్… తాను ఎదుర్కోంటున్న మానసిక స్థితి గురించి నెట్టింట్లో పోస్టులు పెడుతుంటుంది. ఇక నాగ చైతన్యతో విడాకుల అనంతరం .. తాను ఎదుర్కోన్న పరిస్థితులు.. మానసిక స్థితి.. గురించి ఇటీవల ఓ పోస్ట్ చేసిన సంగతి తెలిసిందే. అయితే ఎంతటి విపత్కర పరిస్థితులు ఎదురైనా.. సామ్ మాత్రం తన ఫిట్నెస్ పై ఎక్కువగా కేర్ తీసుకుంటుంది. రోజూ జిమ్లో కష్టతరమైన వర్కవుట్స్ చేస్తూ ఉంటుంది. ఇందుకు సంబంధించిన ఫోటోస్.. వీడియోస్ నెట్టింట్లో తెగ వైరల్ అవుతుంటాయి.
అంతేకాదు.. తాను చేసే వర్కవుట్ వీడియోస్ షేర్ చేస్తూ.. తన ఫాలోవర్లకు ఛాలెంజ్ విసురుతుంటుంది సామ్. అలాగే.. తన జిమ్ ట్రైనర్ జునైద్ గురించి ఎప్పుడు గొప్పగా చెబుతుంటుంది సామ్. కష్టమైన వర్కవుట్స్ అన్నింటిని చేయడంలో తన ట్రైనర్ ఎంతో సపోర్టివ్గా ఎంకరేజ్ చేస్తుంటాడని చెప్పుకొచ్చేది. తాజాగా సామ్ జిమ్ ట్రైనర్ జునైద్.. ఓ యూట్యూబ్ ఛానల్కు ఇచ్చిన ఇంటర్వ్యూలో సమంత గురించి ఆసక్తికర విషయాలను చెప్పుకొచ్చాడు. సామ్ ఒకవేళ అథ్లేట్ అయ్యుంటే విరాడ్ కోహ్లీలా ఉండేదని.. తను ఎంత కష్టమైన వ్యాయామం చెప్పినా.. నో అనకుండా.. మరోసారి చెయ్యి.. నేను ట్రై చేస్తాను అంటుంది అని చెప్పుకొచ్చాడు. అలాగే.. సామ్ చాలా దూకుడుగా ఉంటుందని.. ఎప్పుడూ కష్టమైన పనులు చేయాలనుకుంటుందని.. సమంతని చూసి నేను స్పూర్తి పొందుతాను. ప్రతిరోజూ క్రమం తప్పకుండా ఆమె వర్కవుట్స్ చేస్తుంది. పుష్ప సినిమాలో ఊ అంటావా.. ఊహు అంటావా పాట కోసం ఆమె చాలా వర్కవుట్స్ చేసింది అంటూ చెప్పుకొచ్చాడు జునైద్. సమంత ఇప్పుడు యశోద సినిమాలో నటిస్తోంది. అలాగే సాన్ నటించిన శాకుంతలం సినిమా ప్రస్తుతం పోస్ట్ ప్రొడక్షన్ పనులు జరుగుతున్నాయి.