
టాలీవుడ్ యంగ్ హీరో కార్తికేయ ఎమోషనల్ ట్వీట్ చేశారు. సరిగ్గా రెండేళ్ల క్రితం ఇదే రోజు తాను మళ్లీ పుట్టానని..ఇదే రోజు కలలపై విశ్వాసం, అద్బుతాలపై నమ్మకం కల్పించిందని పేర్కొన్నారు. తన పునర్జమ్మకు కారణమైన తన తండ్రిలాంటి అజయ్ భూపతికి(డైరెక్టర్) జీవితాంతం రుణపడి ఉంటానని తెలిపాడు. తాను నటించిన ‘ఆర్ఎక్స్ 100’ రిలీజై, రెండు సంవత్సరాలు పూర్తయిన నేపథ్యంలో కార్తికేయ ఇలా తన ఆనందాన్ని వ్యక్తపరిచాడు
విఫలమైన ప్రేమకథతో తెరకెక్కిన ‘ఆర్ఎక్స్ 100’..రియాల్టీకి దగ్గరగా ఉండటంతో జనాలు బాగా ఆదరించారు. ఇందులోని సాంగ్స్ కూడా సూపర్ హిట్టయ్యాయి. ఇదే సినిమాతో కథానాయికగా పరిచయమైన పాయల్ రాజ్పుత్.. తన అందాలతో కుర్రకారు గుండెల్లో సెగలు రేపింది.