RRR day 1 box office collection: తొక్కుకుంటూ పోతున్నారు.. కలెక్షన్ల ఊచకోత.. ప్రేక్షకుల బ్రహ్మరథం

Rrr

RRR News:  దుమ్ములేచిపోయింది.. కుంభస్థలం బద్దలయ్యింది. జక్కన్న చెక్కిన RRR సినిమాకు ప్రేక్షకలోకం బ్రహ్మరథం పట్టింది. దేశవ్యాప్తంగా తారక్(Jr NTR), చరణ్‌(Ram Charan)ల నటనకు ప్రశంసలు లభిస్తున్నాయి. రాజమౌళి(SS Rajamouli) తీసిన ఎమోషన్స్, ఎలివేషన్స్‌కు ఆడియెన్స్ ‘టేక్ ఏ బౌ’ అంటున్నారు. భారతీయ చలనచిత్ర పరిశ్రమలో ఇలాంటి సినిమా ధర్మకధీరుడు రాజమౌళి మాత్రమే తీయగలడని విమర్శకుల నుంచి కూడా ప్రశంసలు వస్తున్నాయి.  ప్రీమియర్స్​లో ‘బాహుబలి 2’ రికార్డులను బ్రేక్​ చేసిన RRR.. ఫస్ట్ డే కలెక్షన్ విషయంలోనూ అదే జోరు కొనసాగిస్తోంది.  అమెరికాలోనే ప్రీమియర్స్​తో పాటు తొలి రోజు కలెక్షన్లు 5 మిలియన్ల  మార్కును దాటేశాయి. ఇంకా పెరిగే అవకాశం ఉంది. ఇక ఫస్ట్ డే ఆంధ్రప్రదేశ్​, తెలంగాణలో కలిపి రూ.100 కోట్లకు పైగా కలెక్షన్లను రాబట్టింది ‘ఆర్​ఆర్ఆర్’​. ఇప్పటివరకు ఇదే టాప్ . నైజాంలోనూ ‘ఆర్​ఆర్​ఆర్’​ జోరు చూపిస్తోంది. తొలిరోజే రూ. 23.35 కోట్లు వసూలు చేసి.. కొత్త చరిత్రకు నాంది పలికింది. నైజాంలో తొలి రోజు కలెక్షన్స్ విషయంలో  ‘భీమ్లానాయక్’​- రూ.11.85 కోట్లతో సెకండ్ ప్లేసులో ఉంది. ట్రేడ్ ఎనలిస్ట్ రమేశ్ బాలా లెక్కల ప్రకారం.. హిందీలో ఈ చిత్రం తొలిరోజు  18 కోట్ల రూపాయలు వసూలు చేసింది.

తెలుగు రాష్ట్రాల్లో ఈ సినిమా అన్ని రికార్డులను బద్దలు కొట్టి రూ.100 కోట్లకు పైగా వసూళ్లు సాధించింది.

ఆస్ట్రేలియా, న్యూజిలాండ్‌లో కూడా ఈ సినిమా భారీ వసూళ్లను సాధిస్తోంది.

యూకేలో RRR రూ.2.40 కోట్లు రాబట్టింది.

RRR అనేది తెలుగు ఫ్రీడమ్ ఫైటర్స్  అల్లూరి సీతారామ రాజు, కొమరం భీమ్ జీవితాల ఆధారంగా రూపొందించబడిన కల్పిత కథ. ఈ చిత్రంలో రామ్ చరణ్ అల్లూరి సీతారామరాజుగా, జూనియర్ ఎన్టీఆర్ కొమరం భీమ్‌గా కనిపించారు. డీవీవీ దానయ్య 450 కోట్ల భారీ బడ్జెట్‌తో ఈ మూవీని నిర్మించారు. అలియా భట్, సముద్రఖని, అజయ్ దేవగన్, రే స్టీవెన్సన్, అలిసన్ డూడీ, ఒలివియా మోరిస్ కీలక పాత్రల్లో కనిపించారు.

Also Read: బెజవాడ అన్నపూర్ణ థియేటర్‌లో ఇది పరిస్థితి.. ఎక్కడ తేడా కొట్టిందంటే…?

సమ్మర్‌ అంటే ఎలా ఉంటుందో ఇవాళ్టి నుంచి తెలుస్తుంది.. నిప్పులు చిమ్మనున్న భానుడు