Salaar: భారీ ప్లాన్ వేసిన ప్రశాంత్ నీల్.. ప్రభాస్ సలార్ మూవీలో ఇదే హైలైట్ కానుందట..
పాన్ ఇండియా స్టార్ ప్రభాస్ సినిమాకోసం ఆయన అభిమానులు కళ్ళు కాయలు కాసేలా ఎదురుచూస్తున్నారు. ప్రభాస్ వరుసగా భారీ సినిమాలను లైన్ లో పెట్టిన విషయం తెలిసిందే..
Salaar: పాన్ ఇండియా స్టార్ ప్రభాస్ సినిమా కోసం ఆయన అభిమానులు కళ్ళు కాయలు కాసేలా ఎదురుచూస్తున్నారు. ప్రభాస్ వరుసగా భారీ సినిమాలను లైన్ లో పెట్టిన విషయం తెలిసిందే. ప్రస్తుతం రాధాకృష్ణ దర్శకత్వంలో రాధే శ్యామ్ సినిమా చేస్తున్నాడు ప్రభాస్ పిరియాడికల్ లవ్ డ్రామాగా ఈ సినిమా తెరకెక్కుతోంది. ఈ మూవీలో బుట్టబొమ్మ పూజ హెగ్డే హీరోయిన్ గా నటిస్తోంది. ఈ సినిమా తర్వాత డార్లింగ్ ప్రశాంత్ నీల్ డైరెక్షన్ లో సినిమా చేస్తున్నాడు. కేజీఎఫ్ సినిమాతో సంచలన విజయాన్ని అందుకున్నాడు ప్రశాంత్. దాంతో ఇప్పుడు ప్రభాస్ తో చేయబోయే సలార్ ఎలా ఉండబోతుందన్న ఆసక్తి అభిమానుల్లో నెలకొంది. ఇప్పటికే ఈ సినిమా నుంచి లుక్ ను కూడా రిలీజ్ చేశారు . ఈ సినిమా కూడా కేజీఎఫ్ తరహాలో భారీ యాక్షన్ ఎంటర్టైనర్ అని తెలుస్తుంది. ఇప్పటికే ఈ సినిమా కోసం భారీ సెట్ లు కూడా వేసారట. కరోనా కారణంగా వాయిదాపడిన ఈ సినిమా షూటింగ్ ను త్వరలోనే తిరిగి మొదలుపెట్టనున్నారు. తాజాగా ఈ సినిమాకు సంబంధించిన ఓ వార్త ఇప్పుడు ఫిలిం సర్కిల్స్ లో చక్కర్లు కొడుతోంది.
ఈ సినిమా ఇంటర్వెల్ బ్యాంగ్ ను భారీ గా ప్లాన్ చేస్తున్నాడట ప్రశాంత్ నీల్. ఇంటర్వెల్ ముందు ఓ భారీ బైక్ ఛేజ్ ఉండనుందట. అంతే కాదు అదిరిపోయే ట్విస్ట్ కూడా ఉండనుందని అంటున్నారు. కథ పరంగా ఎన్నో ఎగ్జయిటింగ్ ఎలిమెంట్స్ ఉండనున్నాయని తెలుస్తోంది. అలాగే విజువల్ ట్రీట్ ఇచ్చే క్రేజీ ఎలివేషన్స్ తో ఫైట్ సీక్వెన్సులను దర్శకుడు ప్లాన్ చేస్తున్నాడట. సలార్ షూటింగ్ కొత్త షెడ్యూల్ త్వరలో రామోజీ ఫిలిం సిటీలో ప్రారంభమవుతుంది. ఈ షెడ్యూల్స్ లో వందలాది జూనియర్ ఆర్టిస్టులు యాక్షన్ సీక్వెన్సుల్లో పాల్గొననున్నారని తెలుస్తోంది.
మరిన్ని ఇక్కడ చదవండి :