Rana Daggubati’s 1945: రానా హీరోగా ప్రీ ఇండిపెండెన్స్ బ్యాక్ డ్రాప్‌ మూవీ.. రిలీజ్ ఎప్పుడంటే..
బాహుబలి లాంటి సినిమా తరువాత హ్యాండ్సమ్ హంక్ రానా దగ్గుబాటి భిన్న రకాల చిత్రాలను ఏఎంచుకుంటూ సినిమాలు చేస్తున్నాడు.
Rana Daggubati: బాహుబలి లాంటి సినిమా తరువాత హ్యాండ్సమ్ హంక్ రానా దగ్గుబాటి భిన్న రకాల చిత్రాలను ఏఎంచుకుంటూ సినిమాలు చేస్తున్నాడు. ఈ క్రమంలోనే బ్యాక్ టు బ్యాక్ సినిమాలను లైనప్ చేశాడు. అందులో 1945 సినిమా ఒకటి. ఈ పీరియడ్ డ్రామాను సత్యశివ తెరకెక్కించారు. ఇప్పటికే షూటింగ్ పూర్తి చేసుకున్న ఈ సినిమా ఇప్పుడు ప్రేక్షకుల ముందుకు రానుంది. నిజానికి ఈ సినిమా ఎప్పుడో ప్రేక్షకుల ముందుకు రావాలి. కానీ అనుకోని కారణాల వల్ల వాయిదా పడుతూ వస్తుంది. ప్రస్తుతం ఈ మూవీ విడుదలకు సిద్దంగా ఉంది. సీకే ఎంటర్టైన్మెంట్స్ బ్యానర్ మీద సీ కళ్యాణ్ భారీగా ఈ చిత్రాన్ని నిర్మించారు.
1945 సినిమా డిసెంబర్ 31న విడుదల చేయబోతోన్నట్టు మేకర్లు ప్రకటించారు. ఈ మేరకు విడుదల చేసిన పోస్టర్‌లో రానా బ్రిటీష్ జెండాను కాల్చేస్తున్నట్టుగా కనిపిస్తోంది. స్వాతంత్ర్య సమర యోధుడి పాత్రను రానా పోషించారు. ప్రీ ఇండిపెండెన్స్ బ్యాక్ డ్రాప్‌లో తెరకెక్కిన ఈ చిత్రంలో రెజీనా హీరోయిన్‌గా నటించారు. సత్యరాజ్, నాజర్, ఆర్జే బాలాజీ వంటి వారు ముఖ్యమైన పాత్రల్లో కనిపించనున్నారు. ఈ చిత్రానికి యువన్ శంకర్ రాజా సంగీతాన్ని అందించగా.. సత్య కెమెరామెన్‌గా, గోపీ కృష్ణ ఎడిటర్‌గా వ్యవహరిస్తున్నారు. ఈ సినిమాతోపాటు రానా నటించిన విరాట పర్వం సినిమాకూడా విడుదలకు సిద్ధంగా ఉంది. ఈ సినిమాలో రానా నక్సలైట్ గా కనిపించనున్నాడు. సాయి పల్లవి హీరోయిన్ గా నటిస్తుంది. అలాగే బాబాయి వెంకటేష్ తో కలిసి ఓ వెబ్ సిరీస్ చేస్తున్నాడు రానా. ఈ సిరీస్ కు రానా నాయుడు అనే టైటిల్ ను ఫిక్స్ చేశారు.
మరిన్ని ఇక్కడ చదవండి :