Maya Lady Movie: బాహుబలి ఫేమ్ రాకేష్ వర్రే మరో ఇంట్రెస్టింగ్ మూవీ.. ‘మాయలేడి’ సినిమా రిలీజ్ ఎప్పుడంటే?
బాహుబలి సినిమాలో సహాయక నటుడిగా మెప్పించిన రాకేష్ వర్రే హీరోగానూ అదృష్టం పరీక్షించుకుంటున్నాడు. ఇప్పటికే ఎవరికీ చెప్పొద్దు, పేకమేడలు, జితేందర్ రెడ్డి తదితర సినిమాల్లో కథానాయకుడిగా మెప్పించే ప్రయత్నం చేశాడు రాకేష్. ఇప్పుడు మరో ఇంట్రెస్టింగ్ మూవీతో మన ముందుకు వస్తున్నాడీ ట్యాలెంటెడ్ యాక్టర్.
యంగ్ టాలెంటెడ్ హీరో, ప్యాషనేట్ ప్రొడ్యూసర్ రాకేష్ వర్రే చేస్తున్న కొత్త సినిమా “మాయలేడి”. ఈ సినిమాలో రాకేష్ వర్రే హీరోగా నటిస్తూ క్రేజీ యాంట్స్ ప్రొడక్షన్స్ బ్యానర్ పై నిర్మిస్తున్నారు. రాకేష్ వర్రే గతంలో క్రేజీ యాంట్స్ ప్రొడక్షన్స్ బ్యానర్ పై ఎవరికీ చెప్పొద్దు, పేకమేడలు వంటి కంటెంట్ ఓరియెంటెడ్ మూవీస్ నిర్మించి అందరి ప్రశంసలు పొందారు. ఇప్పుడు “మాయలేడి”తో మరో ఇంట్రెస్టింగ్ చిత్రాన్ని ప్రేక్షకుల ముందుకు తీసుకురాబోతున్నారు. ఈ సినిమాను దర్శకుడు ప్రశంకర్ రూపొందిస్తున్నారు. మధుమిత సర్కార్ హీరోయిన్ గా నటిస్తోంది. ఈ రోజు “మాయలేడి” సినిమా రిలీజ్ డేట్ ను మేకర్స్ అనౌన్స్ చేశారు. నవంబర్ 13న ఈ చిత్రాన్ని వరల్డ్ వైడ్ గ్రాండ్ థియేట్రికల్ రిలీజ్ కు తీసుకొస్తున్నట్లు ప్రకటించారు. ప్రమోషనల్ కంటెంట్ తో “మాయలేడి” సినిమా ఇప్పటికే మూవీ లవర్స్ లో మంచి బజ్ క్రియేట్ చేసింది. ఈ చిత్రం నుంచి రిలీజ్ చేసిన లిరికల్ సాంగ్స్, టీజర్ హ్యూజ్ రెస్పాన్స్ తెచ్చుకున్నాయి. థియేటర్స్ లోనూ ప్రేక్షకుల నుంచి ఇలాంటి ఆదరణే తమ సినిమాకు దక్కుతుందనే కాన్ఫిడెన్స్ తో ఉన్నారు మూవీ టీమ్.
నటీనటులు -రాకేష్ వర్రే, మధుమిత సర్కార్, తదితరులు
టెక్నీషియన్స్
——————–
మ్యూజిక్ – విశాల్ చంద్రశేఖర్
బ్యానర్ – క్రేజీ యాంట్స్ ప్రొడక్షన్స్
ప్రొడ్యూసర్ – రాకేష్ వర్రే
స్క్రిప్ట్, డైరెక్షన్ – ప్రశంకర్
పీఆర్ఓ – సురేష్ (ఎస్ కె మీడియా)
కాగా 2009లో నాగ చైతన్య నటించిన జోష్ సినిమా ద్వారా సినీ రంగంలోకి అడుగుపెట్టాడు రాకేష్ వర్రే. . ఆ తర్వాత వేదం, బాహుబలి, బాహుబలి ది కంక్లూజన్, బద్రీనాథ్, మిర్చి, జై లవకుశ, మిడిల్ క్లాస్ అబ్బాయి, గూఢచారి తదితర సినిమాలతో మంచి గుర్తింపు తెచ్చుకున్నాడు.
నవంబర్ 13న గ్రాండ్ రిలీజ్..
మరిన్ని సినిమా వార్తల కోసం ఇక్కడ క్లిక్ చేయండి.