PV Sindhu: ఈ సినిమా చాలా స్పెషల్గా అనిపించింది.. టాలీవుడ్ హీరో మూవీపై పీవీ సింధు ప్రశంసల వర్షం
ఒలింపిక్ ఛాంపియన్ పీవీ సింధు బ్యాడ్మింటన్ గేమ్ గురించి తప్పితే సినిమాల గురించి పెద్దగా మాట్లాడదు. అలాంటిది ఆమె తాజాగా ఓ తెలుగు సినిమాపై ప్రశంసలు కురిపించింది. సోషల్ మీడియా వేదికగా హీరో, హీరోయిన్, దర్శక నిర్మాతలకు అభినందనలు, శుభాకాంక్షలు తెలిపింది.
Updated on: Apr 10, 2026 | 4:59 PM
టాలీవుడ్ ప్రామిసింగ్ హీరో శర్వానంద్ నటించిన లేటెస్ట్ సినిమా ‘బైకర్’. గత వారం విడుదలైన ఈ స్పోర్ట్స్ డ్రామా సూపర్ హిట్ టాక్ తో దూసుకెళ్లుతోంది. బాక్సాఫీస్ వద్ద భారీ వసూళ్లు రాబడుతోంది. సామాన్య ప్రేక్షకులే కాదు పలువురు సినిమా ప్రముఖులు కూడా బైకర్ సినిమాను చూస్తున్నారు. అనంతరం సినిమాపై తమ అభిప్రాయాలను సోషల్ మీడియాలో పంచుకుంటున్నారు. ఇది వరకే అక్కినేని అందగాడు హీరో నాగార్జున బైకర్ సినిమా అద్భుతంగా ఉందంటూ ప్రశంసలు కురిపించారు. తాజాగా ప్రముఖ బ్యాడ్మింటన్ క్రీడాకారిణి పీ.వి. సింధు శర్వానంద్ సినిమాపై ప్రశంసలు కురిపించింది. ఈ మేరకు ఇన్ స్టా గ్రామ్ స్టోరీస్ వేదికగా బైకర్ సినిమా పోస్టర్ ను పంచుకున్న ఆమె.. ‘ఒక క్రీడాకారిణిగా నాకు ఈ సినిమా ఎంతో ప్రత్యేకంగా అనిపించింది. కఠిన పరిస్థితులను ఎదుర్కొంటూ లక్ష్యాలను సాధించేందుకు అవసరమైన పట్టుదల, వేగం, ఏకాగ్రత వంటి అంశాలు ఈ సినిమాలో బలంగా ప్రతిబింబించాయి. ఈ సినిమా భారీ విజయాన్ని సాధించాలి’ అని పీవీ సిందు ఆకాంక్షించారు. ఈ సందర్భంగా హీరో శర్వానంద్ తో పాటు దర్శకుడు అభిలాష్ రెడ్డి కంకర, హీరోయిన్ మాళవిక నాయర్ సహా మొత్తం చిత్రబృందానికి శుభాకాంక్షలు తెలిపింది ఒలింపిక్ ఛాంపియన్. ఇక సింధు పోస్ట్ పై బైకర్ మూవీ నిర్మాతలు కూడా స్పందించారు. తమ చిత్రాన్ని చూసి అప్రిషియేట్ చేసినందుకు యూవీ క్రియేషన్స్ బ్యానర్పై నిర్మాతలు వంశీ, ప్రమోద్ పీవీ సింధుకు ప్రత్యేక ధన్యవాదాలు తెలిపారు.
అభిలాష్ రెడ్డి తెరకెక్కించిన ఈ సినిమాలో శర్వానంద్ తో పాటు సీనియర్ హీరో రాజశేఖర్ మరో కీలక పాత్రలో యాక్ట్ చేశారు. మాళవికా నాయర్ హీరోయిన్ గా నటించింది. అతుల్ కులకర్ణి, బ్రహ్మాజీ తదితరులు కీలక పాత్రలు పోషించారు. జిబ్రాన్ ఈ మూవీకి స్వరాలు అందించారు. ప్రముఖ నిర్మాణ సంస్థ యూవీ క్రియేషన్స్ బ్యానర్పై నిర్మాతలు వంశీ, ప్రమోద్ ఈ సినిమాను నిర్మించారు. కాగా సినిమాకు కొన్ని చోట్ల నెగెటివ్ టాక్ వచ్చినప్పటికీ ఓవరాల్ గా డీసెంట్ కలెక్షన్లతో బైకర్ దూసుకుపోతోంది. ఈ ఏడాదికి నారీ నారీ నడుమ మురారితో హిట్ అందుకున్న శర్వా బైకర్ తో వరుసగా రెండో హిట్ అందుకున్నాడు.
థ్యాంక్స్ సింధూ.. బైకర్స్ నిర్మాతల పోస్ట్..
World Champion and Olympic medalist @Pvsindhu1 Garu watched #Biker and appreciated the film ❤️🔥
She loved the film’s energy and extended her wishes to the team ✨
Book your tickets now for the SUMMER’S BUMPER FAMILY BLOCKBUSTER🔥🔥 🎟 https://t.co/p44bZA2nJP#BlockbusterBiker pic.twitter.com/jo5pCuPRSB
— UV Creations (@UV_Creations) April 10, 2026
మరిన్ని సినిమా వార్తల కోసం ఇక్కడ క్లిక్ చేయండి.
