Ms Raju : ఆ డైరెక్టర్ తో ఎలాంటి గొడవలు లేవు .. అవన్నీ అవాస్తవాలు… క్లారిటీ ఇచ్చిన ఎంఎస్ రాజు..

Ms Raju : టాలీవుడ్ లో ఎన్నో విజయవంతమైన సినిమాలను తెరకెక్కించి నిర్మాత ఎంఎస్ రాజు. నిర్మాతగా నిరూపించుకున్న ఎంఎస్ రాజు ఆతర్వాత దర్శకుడిగా మారిన విషయం తెలిసిందే. నిర్మాతగా మహేష్ బాబుకు ఒక్కడు, ప్రభాస్ కు వర్షం, యంగ్ హీరో రామ్ కు మస్కా లాంటి హిట్ సినిమాలను అందించిన ఎంఎస్ రాజు దర్శకుడిగా ‘తూనీగ తూనీగ’ సినిమాకు దర్శకత్వం వహించారు. ఈ సినిమాలో ఆయన కుమారుడు సుమంత్ అశ్విన్ హీరోగా నటించాడు. ఆతర్వాత ‘వాన’ అనే అందమైన ప్రేమకథను తెరకెక్కించారు. ఆతర్వాత చాలా కాలం గ్యాప్ తీసుకొని ‘డర్టీ హరి’ అనే సినిమాకు దర్శకత్వం వహించారు ఎంఎస్ రాజు. ‘వర్షం’ సూపర్ హిట్ తరువాత ప్రభాస్ హీరోగా ఎమ్మెస్ రాజు మరో సినిమాను నిర్మించారు .. ఆ సినిమా పేరే ‘పౌర్ణమి’.  ప్రభుదేవా దర్శకత్వం వహించిన ఈ సినిమా ప్రేక్షకులను నిరాశ పరిచింది. ఇక సుమంత్ ఆర్ట్స్ బ్యానర్లో అంతకు ముందు వచ్చిన నువ్వొస్తానంటే నెనొద్దాంటానా.. చిత్రం బ్లాక్బస్టర్ దీంతో ఆ చిత్ర దర్శకుడు ప్రభుదేవాతో మరో సినిమా తీయాలని ఎంఎస్ రాజు భావించారు. దాంతో పౌర్ణమి సినిమా సెట్స్ పైకి వచ్చింది. ఆ సమయంలోనే ప్రభుదేవాకు .. ఎమ్మెస్ రాజుకు మధ్య గొడవ జరిగిందనే టాక్ వచ్చింది. సందర్భాన్ని బట్టి ఇప్పటికీ ఆ మాట వినిపిస్తూనే ఉంటుంది. అంతకుముందే ప్రభాస్ చత్రపతి రూపంలో భారీ హిట్ అందుకున్నాడు. మరోవైపు పౌర్ణమి కొంత హీరోయిన్ ఓరియెంటెంట్ మూవీగా ఉంటుంది. ఇలా రకరకాల కారణాలతో ఈ సినిమా ఫెయిల్ అయ్యింది. అయితే ఈ సందర్భంగా ఎంఎస్ రాజు.. దర్శకుడు ప్రభుదేవా మధ్య గొడవలు జరిగినట్టు వార్తలు వచ్చాయి. తాజాగా ఎమ్మెస్ రాజు మాట్లాడుతూ .. ” నిజమే అప్పట్లో ఆ టాక్ వచ్చింది .. కానీ అందులో నిజం లేదు. ప్రభుదేవాతో ఎలాంటి గొడవలు లేవు .. ఇప్పటికీ మేమిద్దరం ఎంతో సన్నిహితంగా ఉంటాము” అని చెప్పుకొచ్చారు.

మరిన్ని ఇక్కడ చదవండి :

SonuSood: క‌లియుగ క‌ర్ణుడికి పాలాభిషేకాలు.. ప్రాణ‌వాయువు అందిస్తోన్న రియ‌ల్ హీరోకు జ‌న నీరాజ‌నాలు.. కానీ సోనూ మాత్రం..

Malaika Arora : చట్టపట్టాలేసుకు తిరగడం వరకు సరే.. ఇప్పటికైనా ఈ ప్రేమ జంట పెళ్లిపై స్పందిస్తారా..