Akhil Akkineni: డేటు మారినా దర్జా మారదు.. దూకుడు మారదు.. అఖిల్ సినిమా పై నిర్మాత ఇంట్రస్టింగ్ ట్వీట్..
అక్కినేని యంగ్ హీరో అఖిల్ ఇటీవలే మోస్ట్ ఎలిజిబుల్ బ్యాచిలర్ సినిమాలతో మంచి హిట్ ను అందుకున్నాడు. చాలా కాలంగా హిట్ కోసం ఎదురుచూసిన అఖిల్ ఎట్టకేలకు హిట్ అందుకున్నాడు.
Akhil Akkineni: అక్కినేని యంగ్ హీరో అఖిల్ ఇటీవలే మోస్ట్ ఎలిజిబుల్ బ్యాచిలర్ సినిమాలతో మంచి హిట్‌ను అందుకున్నాడు. చాలా కాలంగా హిట్ కోసం ఎదురుచూసిన అఖిల్ ఎట్టకేలకు హిట్ అందుకున్నాడు. మొదటి సినిమానే యాక్షన్ హీరో వి.వి వినాయక్ డైరెక్షన్‌లో చేశాడు. అఖిల్ అనే టైటిల్‌తో తెరకెక్కిన ఈ సినిమా ఆశించిన స్థాయిలో విజయాన్ని అందుకోలేక పోయింది. ఆ తర్వాత విక్రమ్ కుమార్ దర్శకత్వంలో సినిమా చేశాడు అఖిల్. హలో అనే ఇంట్రస్టింగ్ టైటిల్‌తో తెరకెక్కిన ఈ సినిమా కూడా అఖిల్ కు హ్యాండ్ ఇచ్చింది. ఆ వెంటనే మిస్టర్ మజ్ను సినిమాతో ప్రేక్షకుల ముందుకు వచ్చాడు. ఈ సినిమా పర్లేదు అనిపించుకుంది. దాంతో చిన్న గ్యాప్ తీసుకున్న అఖిల్ బొమ్మరిల్లు భాస్కర్ ను ఎంచుకున్నాడు.
బొమ్మరిల్లు భాస్కర్ దర్శకత్వంలో మోస్ట్ ఎలిజిబుల్ బ్యాచ్‌లర్ సినిమా చేశాడు. ఈ సినిమా పూజ హెగ్డే హీరోయిన్‌గా నటించింది. ఈ సినిమా మంచి విజయాన్ని అందుకుంది. ఈ సినిమా తర్వాత ఇప్పుడు ఏజెంట్ అనే సినిమా చేస్తున్నాడు. స్టైలిష్ డైరెక్టర్ సురేందర్ రెడ్డి దర్శకత్వంలో సినిమా చేస్తున్నాడు అఖిల్. ఈ సినిమా యాక్షన్ ఎంటర్టైనర్‌గా తెరకెక్కుతుంది. ప్రస్తుతం ఈ మూవీ షూటింగ్ దశలో ఉంది. ఇదిలా ఉంటే కరోనా కారణంగా ఈ సినిమా షూటింగ్ వాయిదా పడుతూ వస్తుంది. తాజాగా ఈ సినిమా పై నిర్మాత అనీల్ సుంకర ఆసక్తికర ట్వీట్ చేశారు. ”అక్కినేని అభిమానులందరికి నమస్కారం. కరోనా వలన మా ‘ఏజెంట్’ డేటు మారినా దర్జా మారదు.. దూకుడు మారదు.. ధీమా మారదు” అని ట్వీట్ చేశారు. అలాగే ‘ఏజెంట్’ ప్రపంచ స్థాయి గూఢచారి సినిమాలతో సమానంగా ఉంటుంది. అభిమానులు ఆశించిన దాన్నీ 1000శాతం అందజేస్తామని మేము హామీ ఇస్తున్నాము” అని అనిల్ సుంకర ట్వీట్‌లో పేర్కొన్నారు. అనిల్ ట్వీట్‌తో ఇప్పుడు అభిమానుల్లో అంచనాలు భారీగా ఏర్పడ్డాయి.
మరిన్ని ఇక్క చదవండి :