HanuMan: శరవేగంగా హను-మాన్ మూవీ షూటింగ్.. సూపర్ హీరోగా కనిపించనున్న తేజ
యంగ్ టాలెంట్ నటుడు తేజ సజ్జా, క్రియేటివ్ దర్శకుడు ప్రశాంత్ వర్మల మొదటి పాన్-ఇండియన్ సూపర్ హీరో చిత్రం హను-మాన్ పూర్తి కావస్తోంది.
HanuMan: యంగ్ టాలెంట్ నటుడు తేజ సజ్జా, క్రియేటివ్ దర్శకుడు ప్రశాంత్ వర్మల మొదటి పాన్-ఇండియన్ సూపర్ హీరో చిత్రం హను-మాన్ పూర్తి కావస్తోంది. ప్రస్తుతం ఈ మూవీ షూటింగ్ శరవేగంగా జరుగుతోంది. ఇదిలా ఉంటే రీసెంట్ గా టీమ్ 100వ రోజు షూటింగ్ జరుపుకుంది. సినిమా కోసం పనిచేసిన దాదాపు అందరు నటీనటులు, సాంకేతిక సిబ్బంది సవాలుగా తీసుకుని కృషి చేశారు. సూపర్ హీరో సినిమాల్లో అధిక యాక్షన్ సన్నివేశాలు ఉంటాయి. అదీకాక సూపర్ హీరో కొన్ని క్లిష్టమైన విన్యాసాలు చేస్తారు. హీరోకి ఎలాంటి డూప్‌లు లేకుండా వీటిని షూట్ చేస్తున్నారు. ఈ సినిమాలో అమృత అయ్యర్ హీరోయిన్ గా నటిస్తుండగా, ప్రముఖ నిర్మాణ సంస్థ ప్రైమ్‌షో ఎంటర్‌టైన్‌మెంట్ ఈ చిత్రాన్ని భారీ స్థాయిలో నిర్మిస్తోంది. సీనియర్ స్టార్స్, టాప్-గ్రేడ్ టెక్నీషియన్స్ దీనికి సహకరిస్తున్నారు. ఈ చిత్రంలో వరలక్ష్మి శరత్‌కుమార్‌ కీలక పాత్ర పోషిస్తోంది.
ఇప్పటికే విడుదలైన హను-మాన్ ప్రోమోల భారీ రెస్పాన్స్ ను అందుకున్నాయి. దాంతో ఈ చిత్రం భారీ నాన్-థియేట్రికల్ బిజినెస్ భారీ జరిగింది. శ్రీమతి చైతన్య సమర్పిస్తున్న ఈ చిత్రాన్ని కె నిరంజన్ రెడ్డి నిర్మిస్తున్నారు. అస్రిన్ రెడ్డి ఎగ్జిక్యూటివ్ ప్రొడ్యూసర్ కాగా వెంకట్ కుమార్ జెట్టి లైన్ ప్రొడ్యూసర్ అలాగే కుశాల్ రెడ్డి అసోసియేట్ ప్రొడ్యూసర్ గా వ్యవహరిస్తున్నారు. ఇక నలుగురు ప్రతిభావంతులైన స్వరకర్తలు- అనుదీప్ దేవ్, హరి గౌరా, జై క్రిష్, కృష్ణ సౌరభ్ ఈ చిత్రానికి సౌండ్ ట్రాక్‌లను అందిస్తున్నారు.
మరిన్ని ఇక్కడ చదవండి :