టాలీవుడ్‌లో దుమారం లేపుతోన్న హీరో నాని వ్యాఖ్యలు.. ‘నువ్వెంత.. నీ రేంజ్‌ ఎంత..?’
మలయాళ స్టార్ హీరో దుల్కర్ సల్మాన్ అందరికీ సుపరిచితమే. దుల్కర్ సల్మాన్ హీరోగా, ఐశ్వర్య లక్ష్మి హీరోయిన్‌గా నటించిన తాజా మువీ 'కింగ్ ఆఫ్ కోతా' పాన్ ఇండియా స్థాయిలో ఆగష్టు 24న విడుదలకానున్న సంగతి తెలిసిందే. అభిలాష్‌ జోషిలీ తెరకెక్కించిన ఈ సినిమా ప్రీ రిలీజ్ ఈవెంట్‌ను తాజాగా హైదరాబాద్‌లో నిర్వహించారు. ఈ కార్యక్రమానికి న్యాచురల్ స్టార్ నాని, రానా దగ్గుబాటి ముఖ్య అతిథులుగా విచ్చేశారు. ప్రీ రిలీజ్ ఈవెంట్‌లో పాన్ ఇండియా హీరోల గురించి నాని చేసిన వ్యాఖ్యలు ప్రస్తుతం వైరల్‌ అవుతున్నాయి..
నేచులర్‌ స్టార్ నానిపై నెటిజన్లు ఫైర్‌ అవుతున్నారు. అదేంటి నానిని ఇష్టపడని వారు, అభిమానించని వారు కూడా ఉంటారా? అని సందేహిస్తున్నారా.. కారణం అదికాదండీ.. తాజాగా పాన్ ఇండియా స్టార్ హీరో గురించి నాని చేసిన వ్యాఖ్యలు ఫ్యాన్స్‌కు సుతారం నచ్చలేదు. దీంతో నానిని సోషల్‌ మీడియా వేదికగా నెటిజన్లు ఏకిపారేస్తున్నారు. అసలేం జరిగిందంటే.. మలయాళ స్టార్ హీరో దుల్కర్ సల్మాన్ అందరికీ సుపరిచితమే. దుల్కర్ సల్మాన్ హీరోగా, ఐశ్వర్య లక్ష్మి హీరోయిన్‌గా నటించిన తాజా మువీ ‘కింగ్ ఆఫ్ కోతా’ పాన్ ఇండియా స్థాయిలో ఆగష్టు 24న విడుదలకానున్న సంగతి తెలిసిందే. అభిలాష్‌ జోషిలీ తెరకెక్కించిన ఈ సినిమా ప్రీ రిలీజ్ ఈవెంట్‌ను తాజాగా హైదరాబాద్‌లో నిర్వహించారు. ఈ కార్యక్రమానికి న్యాచురల్ స్టార్ నాని, రానా దగ్గుబాటి ముఖ్య అతిథులుగా విచ్చేశారు. ప్రీ రిలీజ్ ఈవెంట్‌లో పాన్ ఇండియా హీరోల గురించి నాని చేసిన వ్యాఖ్యలు ప్రస్తుతం వైరల్‌ అవుతున్నాయి.
‘పాన్ ఇండియా సినిమాలని మనం అంటున్నాం. పాన్ ఇండియా సినిమా అనే పదం నాకు పెద్దగా నచ్చదు. కానీ, నాకు తెలిసిన యాక్టర్స్‌లో పాన్ ఇండియా యాక్టర్‌ అంటే అది దుల్కర్ మాత్రమే. ఎందుకంటే హిందీ, తెలుగు, తమిళ, మలయాళ దర్శకులు అందరూ దుల్కర్ కోసం స్క్రిప్ట్‌ రాసుకుంటారు. ఓ పాన్ ఇండియా యాక్టర్‌కు నిజమైన నిర్వచనం ఇదేనని’ నాని మాట్లాడాడు. దీంతో టాలీవుడ్ పాన్ ఇండియా హీరోల ఫ్యాన్స్‌ నానిపై ఫైర్‌ అవుతున్నారు. దుల్కర్ మంచి నటుడే, పాన్ ఇండియా రేంజ్‌ అందుకునే అర్హత కూడా ఆయనకు ఉంది. అందులో ఎలాంటి సందేహం లేదు. కానీ దుల్కర్ మాత్రమే పాన్ ఇండియా హీరో అని ఎలా చెబుతావ్‌.. అంటూ నానిని ఓ రేంజ్‌లో టాలీవుడ్ హీరోల ఫ్యాన్స్‌ ఏకిపారేస్తున్నారు.
‘పాన్ ఇండియా రేంజ్‌కి నువ్వు ఎప్పటికీ చేరుకోలేవు కాబట్టే ఆ పదం నీకు పెద్దగా నచ్చదు. పాన్ ఇండియా జెండా పాదిన తొలి టాలీవుడ్ హీరో ప్రభాస్‌. రామ్‌ చరణ్‌, జూనియర్‌ ఎన్టీఆర్‌, అల్లు అర్జున్‌ వీళ్లంతా గల్లీ హీరోలు అనుకుంటున్నావా..? ఒకరికి పాన్ ఇండియా హీరో అని గుర్తింపు ఇవ్వడానికి నువ్వెవడివి..? సినిమాలు చూసేది మేము.. గుర్తింపు ఇవ్వాల్సింది మేము.. కాస్త నోటిదూల తగ్గించుకుంటే మంచిదంటూ అభిమానులు నానికి బాగానే క్లాస్‌ పీకారు.
మరిన్ని సినిమా వార్తల కోసం క్లిక్‌ చేయండి.