Manchu Manoj: 5 లక్షలు అవసరమై అర్ధరాత్రి ఆ హీరోకు ఫోన్ చేశా.. చెప్పేది పూర్తిగా కూడా వినకుండానే: మంచు మనోజ్

Manchu Manoj

మంచు మనోజ్ గురించి ప్రత్యేక పరిచయం అక్కర్లేదు. సిల్వర్ స్క్రీన్ పై ఎంత సరదాగా కనిపిస్తాడో రియల్ లైఫ్ లోనూ అంతే జోవియల్ గా ఉంటాడు. తన తోటి నటీనటులతో ఎంతో సరదాగా ఫన్నీగా ఉంటాడు. కాగా చాలా ఏళ్ల పాటు సినిమాలకు దూరంగా ఉన్న మనోజ్ భైరవం సినిమాతో రీ ఎంట్రీ ఇచ్చాడు. అయితే ఆ సినిమా పెద్దగా ఆడలేదు. ఆ తర్వాత తేజ సజ్జా నటించిన మిరాయ్ లో పవర్ ఫుల్ విలన్ గా అదరగొట్టాడు మనోజ్. ఇందులో అతని నటనకు విమర్శకుల ప్రశంసలు దక్కాయి. ప్రస్తుతం డేవిడ్ రెడ్డి అనే డిఫరెంట్ మూవీ షూటింగ్ తో బిజీ బిజీగా ఉంటున్నాడు మంచు మనోజ్. కాగా మంచు, మెగా ఫ్యామిలీల మధ్య విభేదాలున్నాయని ఎప్పటి నుంచో ప్రచారం జరుగుతోంది. కానీ మంచు, మెగా హీరోలు మాత్రం ఎంతో కలివిడిగా ఉంటారు. ముఖ్యంగా మంచు మనోజ్ కు మెగా హీరోలతో మంచి అనుబంధం ఉంది. ఆ మధ్యన మంచు మనోజ్ ‘అహం బ్రహ్మాస్మి’ అనే కొత్త సినిమా ప్రారంభోత్సవంలో రామ్ చరణ్ సందడి చేశారు. అయితే దురదృష్టవశాత్తూ ఆ సినిమా మధ్యలోనే ఆగిపోయింది. ఈ క్రమంలో రామ్ చరణ్ చేసిన సాయం గురించి ఓ సందర్భంలో మంచు మనోజ్ చేసిన వ్యాఖ్యలు అందరి దృష్టిని ఆకర్షించాయి.

‘కొన్నేళ్ల క్రితం నేను ఓ కోర్స్ నేర్చుకునేందుకు అమెరికాకు వెళ్లాను. ఆ టైంలో దుబాయ్‌లో ఉంటున్న ఓ ఫ్యామిలీకి వీసా కష్టాలు వచ్చాయి. ఇండియాకు తిరిగి రావడానికి డబ్బులు లేవు. ఓ ఐదు లక్షలు కావాలని నాకు ఫోన్ వచ్చింది. ఆ టైంకి నా దగ్గర కూడా డబ్బులు లేవు. బ్యాంక్ ఖాతా కూడా ఖాళీ అయిపోయింది. కానీ వాళ్లకు ఎలాగైనా సాయం చేయాలని అనుకున్నాను. వెంటనే రామ్ చరణ్ కు ఫోన్ చేశాను. అప్పుడు రామ్ చరణ్, చిరంజీవి ఇద్దరూ ఓ ప్రీమియర్ షోలో ఉన్నారు. ఫోన్ లిఫ్ట్ చేసిన రామ్ చరణ్ మెల్లిగా మాట్లాడుతూ.. ఏంటి ఈ టైంలో ఫోన్ చేశావ్ అని అడిగాడు. ఇలా అవసరం ఉంది.. డబ్బులు కావాలి అని పూర్తిగా చెప్పలోపు.. ఎంత కావాలి.. అకౌంట్ నంబర్ పంపు అని అన్నాడు. అంతే కేవలం నిమిషంలో చరణ్ డబ్బులు పంపించేశాడు’ అని చెప్పుకొచ్చాడు మంచు మనోజ్. ప్రస్తుతం ఈ కామెంట్స్ నెట్టింట వైరల్ గా మారాయి.

వీడియో ఇదిగో..

మరిన్ని సినిమా వార్తల కోసం ఇక్కడ క్లిక్ చేయండి.