Folk Song: యూట్యూబ్‌ను షేక్ చేస్తోన్నకొత్త ఫోక్ సాంగ్.. ఈ తెలుగు హీరోయిన్ స్టెప్పులకు ఫిదా అవ్వాల్సిందే

Kosindi Koyagura Song

దిగ్గజ జానపద గాయని గరివిడి లక్ష్మి జీవిత కథ ఆధారంగా తెలుగుతో ఓ సినిమా తెరకెక్కుతోన్న సంగతి తెలిసిందే. గరివిడి లక్ష్మి పేరుతో తెరకెక్కుతోన్న తెలుగమ్మాయి ఆనంది హీరోయిన్ గా నటిస్తోంది. గౌరి నాయుడు జమ్ము ఈ సినిమాకు దర్శకత్వం వహిస్తున్నారు. తెలుగులో భారీ చిత్రాలను నిర్మించే సంస్థగా పేరున్న పీపుల్ మీడియా ఫ్యాక్టరీ ఈ సినిమాను నిర్మిస్తుండడం విశేషం. ఇప్పటికే ఈ సినిమా నుంచి రిలీజైన పాటలు, గ్లింప్స్ సినిమా అభిమానులను అమితంగా ఆకట్టుకున్నాయి. ముఖ్యంగా ఆ మధ్యన వచ్చిన నల జీలకర్ర మొగ్గ పాట ఎంత వైరలైందో ప్రత్యేకంగా చెప్పక్కర్లేదు. ఇప్పటికీ ఎక్కడో ఒక చోట ఈ పాట వినిపిస్తూనే ఉంది. ఇప్పుడు దీనికి ఏ మాత్రం తగ్గకుండా గరివిడి లక్ష్మి సినిమా నుంచే మరో కొత్త పాట వచ్చేసింది. ‘కోసింది కొయగూర’ సాంగ్‌ని మేకర్స్ రిలీజ్ చేశారు. ప్రజెంట్ ఈ పాట సోషల్ మీడియాను షేక్ చేస్తోంది. ఇందుకు ప్రధాన కారణం ఆనంది డ్యాన్స్. సినిమాల్లో ఎక్కువగా సైలెంట్ రోల్స్ లో కనిపించే ఈ అమ్మడు ఇప్పుడీ సాంగ్ లో అదరగొట్టింది. చక్కగా చీరకట్టులో ఫుల్ ఎనర్జీతో డ్యాన్స్ చేసింది. హీరోలకు ఏ మాత్రం తగ్గకుండా స్టెప్పులేసింది. ఈ పాటను చూసిన వారంతా ఆనంది డ్యాన్స్ కు ఫిదా అవుతున్నారు. ఆనందిలో ఈ ట్యాలెంట్ కూడా ఉందా? అని క్రేజీ కామెంట్స్ పెడుతున్నారు. ఆనందితో పాటు మరో నటుడు రాగ్ మయూర్ ప్రజెన్స్, డ్యాన్స్ మూమెంట్స్ ఈ ఫోక్ సాంగ్ కు మరింత జోష్ ను అందించాయి.

‘కోసింది కొయగూర’ జానపదం సాంగ్ ను చరణ్ అర్జున్ కంపోజ్ చేశారు. అలాగే అనన్య భట్, షకలక శంకర్, గౌరీ నాయుడు జమ్ము వోకల్స్ ఈ పాటకు మరింత వైబ్ ను తీసుకొచ్చాయి. ఈ పాటకు గంటేడ గౌరు నాయుడు, గౌరీ నాయుడు జమ్ము అందించిన సాహిత్యం అదనపు ఆకర్షణగా నిలిచిందని చెప్పుకోవచ్చు. ఇక గరివిడి లక్ష్మి సినిమా విషయానికి వస్తే.. తన పాటలతో కోట్లాది మంది హృదయాల్లో నిలిచిపోయిన లెజెండరీ జానపద గాయని జీవితాన్ని ఈ సినిమా రీక్రియేట్ చేస్తుందని దర్శక నిర్మాతలు చెబుతున్నారు. గరివిడి లక్ష్మి పాత్రలో ఆనంది ఒదిగిపోయిందని మేకర్స్ ప్రశంసలు కురిపిస్తున్నారు. ఆమెతో పాటు ఈ సినిమాలో నరేష్, రాశి, రాగ్ మయూర్, శరణ్య ప్రదీప్, అంకిత్ కొయ్య, మీసాల లక్ష్మణ్, కంచరపాలెం కిషోర్, శరణ్య ప్రదీప్, కుశాలిని తదితరులు వివిధ పాత్రలలో కనిపించనున్నారు. త్వరలోనే ఈ సినిమా ప్రేక్షకుల ముందుకు రానుంది.

కోసింది కోయగూర  లిరికల్ వీడియో సాంగ్..

మరిన్ని సినిమా వార్తల కోసం ఇక్కడ క్లిక్ చేయండి.