Hero Karthi: ఖైదీ సినిమా సీక్వెల్ రాబోతుందంట.. క్లారిటీ ఇచ్చిన నిర్మాత.. స్క్రిప్ట్ పనులు కూడా అవుతున్నాయట…
తమిళ్ హీరో కార్తీ నటించిన ఖైదీ సినిమా మంచి విజయం సాధించిన విషయం తెలిసిందే. 2019లో విడుదలైన ఖైదీ సినిమాతో వందకోట్ల క్లబ్ లో చేరాడు కార్తీ.
Hero Karthi : తమిళ్ హీరో కార్తీ నటించిన ఖైదీ సినిమా మంచి విజయం సాధించిన విషయం తెలిసిందే. 2019లో విడుదలైన ఖైదీ సినిమాతో వందకోట్ల క్లబ్ లో చేరాడు కార్తీ. ఆ యాక్షన్ థ్రిల్లర్ ను యంగ్ డైరెక్టర్ లోకేష్ కనగరాజ్ తెరకెక్కించాడు. తెలుగులో కూడా కార్తీ మంచి క్రేజ్ ను సొంతం చేసుకున్నాడు. యుగానికొక్కడు సినిమాతో హీరోగా పరిచయమైన కార్తీ ఆతర్వాత పలు విజయవంతమైన సినిమాల్లో నటించేంచి ఆకట్టుకున్నాడు. విభిన్న కథలను ఎంచుకుంటూ దూసుకుపోతున్నాడు కార్తీ . ఖైదీ సినిమా విషయానికొస్తే 2019 దీపావళి కానుకగా విడుదలై బ్లాక్ బస్టర్ విజయం దక్కించుకుంది. తమిళంతో పాటు తెలుగు ప్రేక్షకులను కూడా విపరీతంగా ఆకట్టుకుంది ఈ సినిమా. హీరోయిన్ .. రొమాంటిక్ పాటలు .. కామెడీ లేకపోయినా ఘన విజయాన్ని అందుకుంది ఖైదీ.
ఈ సినిమాకు సీక్వెల్ తప్పకుండా ఉంటుందని ఇటీవల ఒక వేదికపై కార్తీ చెప్పాడు కూడా. అయితే ఆ తరువాత ఎక్కడా ఈ ప్రస్తావన లేకపోవడంతో, ఈ ప్రాజెక్టు ఉండదనే అంతా అనుకున్నారు. కానీ తాజాగా నిర్మాత ఎస్.ఆర్. ప్రభు మాట్లాడుతూ, ఈ సినిమాకి సీక్వెల్ ఉందని స్పష్టం చేశాడు. ఖైదీ మూవీ బాలీవుడ్ లో కూడా రీమేక్ కాబోతుంది. అజయ్ దేవగన్ ప్రధాన పాత్రలో నటించనున్నాడు. సీక్వెల్ కి సంబంధించిన స్క్రిప్ట్ రెడీ అవుతోందనీ .. ప్రీ ప్రొడక్షన్ పనులు జరుగుతున్నాయని ఎస్.ఆర్. ప్రభు అన్నాడు. ప్రస్తుతం ‘సర్దార్’ సినిమా చేస్తున్న కార్తీ , ఆ తరువాత ‘ఖైదీ’ సీక్వెల్ ను పట్టాలెక్కించే అవకాశం ఉందని అంటున్నారు.
మరిన్ని ఇక్కడ చదవండి :