ఇదెక్కడి సినిమా రా అయ్యా.!! ఏకంగా 38 విడాకుల్ని ఆపింది.. ఆ మూవీ ఏదంటే..
ఇండస్ట్రీలో ఎన్నో రకాల సినిమాలు ప్రేక్షకుల ముందు వస్తున్నాయి. లవ్ స్టోరీలు, క్రైం థ్రిల్లర్స్, సస్పెన్స్ థ్రిల్లర్, హారర్ సినిమాలు ప్రేక్షకులను మెప్పిస్తున్నాయి. అలాగే ఫ్యామిలీ ఎంటర్టైన్స్ కూడా మంచి విజయాలను అందుకుంటూ ప్రేక్షకులను మెప్పిస్తున్నాయి. అలాంటివాటిలో ఈ సినిమా ఒకటి.
సినిమాల ప్రభావం జనలపై ఎంతగా ఉంటుందో ప్రత్యేకంగా చెప్పాల్సిన అవసరం లేదు. మన దేశం జనాలు ఎక్కువగా అభిమానించే వాటిలో క్రికెట్ ఒకటి, సినిమా మరొకటి. ఈ రెండు అంటే మన జనాలకు పిచ్చి.. ఇప్పటికే ఎన్నో సినిమాలు ఆడియన్స్ పై ఎంతో ప్రభావం చూపిస్తూ ఉంటాయి. ఇండస్ట్రీలో ఎన్నో రకాల సినిమాలు ప్రేక్షకులను మెప్పించాయి. అయితే ప్రేమ కథ సినిమాలు చూసి ప్రేమలో పడ్డ వారు ఉన్నారు. ఎమోషనల్ సినిమాలు చూసి కన్నీళ్లు పెట్టుకునే ఆడియన్స్ ఉన్నారు. జనాలు సినిమాలను ఎంత ఓన్ చేసుకుంటారంటే.. మొన్నామధ్య విడుదలైన బలగం సినిమా చూసి విడిపోయిన అన్న చెల్లెల్లు ఎంతో మంది కలిశారు. ఎన్నో విడిపోయిన కుటుంబాలు కలిశాయి అలాగే ఇప్పుడు ఓ సినిమా చూసి విడిపోయిన భార్య భర్తలు కలిశారు.
ఈ సినిమా చూసి ఏకంగా విడాకులు తీసుకోవాల్సిన 38 జంటలు తిరిగి కలిశాయట.. ఒక సినిమా ఏకంగా 38 విడాకుల కేసులను ఆపిందంటే ఆశ్చర్యంగా ఉంటుంది. ఆ సినిమా మరేదో కాదు ఇరుగ పట్రు. ఇరుగపట్రు అనే తమిళ చిత్రం విడుదలైన రెండో వారంలోనే త్రిచి ప్రాంతంలో 38 వివాహ రద్దు కేసులను వెనక్కి తీసుకోవడానికి తోడ్పడిందని ఆ సినిమా హీరో విక్రమ్ ప్రభు వెల్లడించారు. అలా విడిపోవాలనుకున్న జంటలను ఈ సినిమా విడిపోకుండా చేసిందని హీరో తెలిపాడు. ఈ చిత్రంతో కనీసం వెయ్యి పెళ్ళిళ్ళనైనా కాపాడాలని తాము భావించామని ఆయన పేర్కొన్నారు.
ఎలాంటి ప్రమోషన్స్ , హాడావిడీ లేకుండా సినిమా ఇంత పెద్ద ప్రభావం చూపడం తమకు ఎంతో గర్వకారణంగా అనిపించిందని చిత్ర బృందం తెలియజేసింది. పెళ్ళి విలువను ఈ సినిమా గుర్తు చేస్తుందని, వైవాహిక బంధం యొక్క ప్రాముఖ్యతను నొక్కి చెబుతుందని విక్రమ్ ప్రభు అన్నారు. 2023లో విడుదలైన ఈ సినిమాలో మూడు పెళ్ళైన జంటలు, వారు ఎదుర్కొనే సమస్యలు, చివరకు మళ్ళీ ఎలా కలుసుకుంటారనేది చూపించారు. ఈ సినిమా కథాంశం వివాహ బంధాలను కాపాడటంలో ఎంతగానో సహాయపడింది.
మరిన్ని సినిమా వార్తల కోసం ఇక్కడ క్లిక్ చేయండి.