రామ్చరణ్ ప‌క్క‌న కీర్తినా..? కియారానా..?
మెగాస్టార్ చిరంజీవి హీరోగా ప్లాప్ అంటూ ఎరుగ‌ని డైరెక్ట‌ర్ కొరటాల శివ 'ఆచార్య' సినిమా తెరకెక్కిస్తోన్న విష‌యం తెలిసిందే. ఈ సినిమాలో చిరు సరసన చంద‌మామ కాజల్ అగర్వాల్ నటించనుంది.
మెగాస్టార్ చిరంజీవి హీరోగా ప్లాప్ అంటూ ఎరుగ‌ని డైరెక్ట‌ర్ కొరటాల శివ ‘ఆచార్య’ సినిమా తెరకెక్కిస్తోన్న విష‌యం తెలిసిందే. ఈ సినిమాలో చిరు సరసన చంద‌మామ కాజల్ అగర్వాల్ నటించనుంది. తొలుత ఈ పాత్రకు త్రిషను ఫైన‌ల్ చేసిన‌ప్ప‌టికీ.. కొన్ని వ్యక్తిగత కారణాల వల్ల ఆమె సైడ‌య్యింది. ఈ క్రమంలోనే కాజల్ ఆ స్థానాన్ని భ‌ర్తీ చేసింది. తాజాగా, గెస్ట్ రోల్ లో కనిపించనున్న రామ్చరణ్కు జోడీగా మేక‌ర్స్ కీర్తి సురేశ్, కియారా అద్వానీల‌తో చర్చలు జరుపుతున్నట్లు సమాచారం.
కాగా ఈ మూవీలో ఐటెమ్ సాంగ్ కోసం హాట్ భామ అనసూయను సంప్రదించినట్లు ఫిల్మ్ ఇండ‌స్ట్రీలో టాక్ న‌డుస్తోంది. గెస్ట్ రోల్ కోసం మొద‌ట సూపర్స్టార్ మహేశ్ బాబును అడగ్గా.. ఆయ‌న సున్నితంగా తిర‌స్క‌రించార‌ట. ఇక ఈ సినిమాలో లీడ్ పోషిస్తున్న రామ్ చరణ్ నక్సలైట్గా క‌నిపించ‌నున్నార‌ని సమాచారం. ప్రజంట్ రామ్చరణ్ ఎస్ఎస్ రాజమౌళి తెరకెక్కిస్తోన్న ‘ఆర్ఆర్ఆర్’లో నటిస్తున్నారు. మెగాస్టార్ ‘ఆచార్య’ సినిమా తర్వాత మలయాళ బ్లాక్ బాస్ట‌ర్ మూవీ ‘లూసిఫర్’ రీమేక్తో రానున్నారు.
