‘డోంట్ రష్’లో భాగంగా అదరగొడుతున్న సెలబ్రిటీలు.. వైరల్ అవుతున్న సమంత, లావణ్య త్రిపాఠి డ్యాన్స్ వీడియోలు
Don't Rush Challenge : సోషల్ మీడియా వచ్చినప్పటి నుంచి ఏదో ఒక ఛాలెంజ్ ట్రెండ్ అవుతూనే ఉంటుంది. తాజాగా ‘డోంట్ రష్’ అనే చాలెంజ్
Don’t Rush Challenge : సోషల్ మీడియా వచ్చినప్పటి నుంచి ఏదో ఒక ఛాలెంజ్ ట్రెండ్ అవుతూనే ఉంటుంది. తాజాగా ‘డోంట్ రష్’ అనే చాలెంజ్ ట్రెండింగ్‌లో ఉంది. సామాన్యుల నుంచి సెలబ్రిటీల వరకు అందరు ఇందులో పాల్గొంటున్నారు. అసలు ‘డోంట్ రష్’ అనే చాలెంజ్ అంటే ఏంటి.. హాలీవుడ్ ప్రైవేట్ ఆల్బమ్ ‘డోంట్ రష్’ రీమిక్స్ వెర్షన్ సాంగ్‌కు తమదైన స్టైల్‌లో డ్యాన్స్ చేయడం.
అయితే లాక్‌డౌన్ సమయంలో చాలా ఛాలెంజ్‌లు నెట్టింట్లో హల్‌చల్‌ చేశాయి. అందులో కొన్నిటిని తీసుకుంటే.. ‘మేకప్‌ నో మేకప్‌ లుక్స్‌’, ‘పిల్లో’, ‘ఫ్లిప్‌ ది స్విచ్‌’ ఛాలెంజ్‌లు అటు సెలబ్రిటీలు, ఇటు సినీ ప్రియుల మది దోచాయి. ఇంకా బిందీ, కిమ్ కిమ్, శారీ వియరింగ్’ వంటి చాలా చాలెంజెస్‌లో సినీ తారలు పాల్గొని వాటిని సూపర్ హిట్ చేశారు.
అయితే ‘డోంట్ రష్’ చాలెంజ్‌లో భాగంగా బాలీవుడ్ హీరో విక్కీ కౌశల్ హాలీవుడ్ రీమిక్స్ సాంగ్‌కు డ్యాన్స్ చేశాడు. ఆ వీడియోను ఇన్‌స్టా వేదికగా షేర్ చేశాడు. ఇక ఈ చాలెంజ్‌లో టాలీవుడ్ సెలబ్రిటీస్ కూడా పాల్గొన్నారు. అక్కినేని వారి కోడలు బ్యూటిఫుల్ సమంత.. విక్కీ కౌశల్ డ్యాన్స్‌కు ఇన్‌స్పైర్ అయ్యి, తను ఈ ‘డోంట్ రష్’ చాలెంజ్‌లో పాల్గొన్నట్లుగా చెబుతూ #dontrushchallenge హ్యాష్‌ట్యాగ్‌తో ఇన్‌స్టా వేదికగా పోస్ట్ పెట్టింది. హీరోయిన్స్ లావణ్య త్రిపాఠి, శ్రద్ధాదాస్, ‘దంగల్’ ఫేమ్ హీరోయిన్ అమైరా దస్తూర్, తనుశ్రీ దత్తాతో పాటు పలువురు సెలబ్రిటీలు సైతం ఈ చాలెంజ్ లో భాగంగా తమ దైన శైలిలో స్టెప్పులు వేసి అలరించారు.