Bandla Ganesh : ఆ వార్తల్లో నిజం లేదంట… పవర్ స్టార్ సినిమా క్లారిటీ ఇచ్చిన బండ్లగణేష్
పవర్ స్టార్ పవన్ కళ్యాణ్ ప్రస్తుతం వరుస ఫుల్ బిజీగా ఉన్నారు. శ్రీరామ్ దర్శకత్వం వహించిన వకీల్ సాబ్ తో ప్రేక్షకుల ముందుకు వచ్చారు పవన్.
Bandla Ganesh :
పవర్ స్టార్ పవన్ కళ్యాణ్ ప్రస్తుతం వరుస ఫుల్ బిజీగా ఉన్నారు. శ్రీరామ్ దర్శకత్వం వహించిన వకీల్ సాబ్ తో ప్రేక్షకుల ముందుకు వచ్చారు పవన్. ఈ సినిమా సంచలన విజయాన్ని నమోదు చేసుకుంది. బాలీవుడ్ సూపర్ హిట్ సినిమా పింక్ కు ఈ సినిమా రీమేక్ గా తెరకెక్కింది. మొదటి షో తోనే ఈ సినిమా బ్లాక్ బస్టర్ టాక్ ను తెచ్చుకుంది. ఇక ఈ సినిమా తర్వాత క్రిష్ డైరెక్షన్ లో హరిహర వీరమల్లు సినిమా చేస్తున్నాడు. పవన్ కెరియర్ లో భారీ బడ్జెట్ తో ఈ సినిమా తెరకెక్కుతుంది. ఇటీవల మోషన్‌ టీజర్‌ రిలీజ్ చేసిన మేకర్స్‌ ఈ మూవీ 2022 సంక్రాంతికి రిలీజ్ అంటూ ఎనౌన్స్‌ చేశారు. వీటితో పాటు హరీష్ శంకర్ తో ఓ సినిమా, సురేందర్ రెడ్డి రెడ్డి తో ఓ సినిమా చేయనున్నాడు పవన్ కళ్యాణ్. అలాగే వకీల్ సాబ్ సినిమా నిర్మించిన దిల్ రాజు పవన్ కళ్యాణ్ తో మరో సినిమా చేయడానికి సిద్ధంగా ఉన్నారు. ఈ విషయాన్న్ని ఇటీవల ఆయనే స్వయంగా వెల్లడించారు.
ఇదిలా ఉంటే పవన్ కళ్యాణ్ వీర భక్తుడు బండ్ల గణేష్ పవన్ కళ్యాణ్ తో సినిమా ఎప్పటినుంచో చూస్తున్నారు . పవన్ తో ఆయన నిర్మించిన ‘తీన్మార్’ పరాజయం పాలైనప్పటికీ, ఆ తరువాత నిర్మించిన ‘గబ్బర్ సింగ్’ సంచలన విజయాన్ని సాధించింది. ఇటీవల పవన్ కళ్యాణ్ తో సినిమా చేయబోతున్నా..పవన్ కూడా గ్రీన్ సిగ్నల్ ఇచ్చారని బండ్ల గణేష్ చెప్పిన విషయం తెలిసిందే . పవన్ మాట ఇచ్చాడనీ, కానీ ఇంకా తాను అందుకు సంబంధించిన పనులను మొదలుపెట్టలేదని గణేశ్ అప్పుడే చెప్పారు. ఇప్పుడు ఈ సినిమాకు సంబంధించిన వార్తలు ఫిలిం నగర్ లో చక్కర్లు కొడుతున్నాయి. రమేశ్ వర్మ ఒక కథతో పవన్ ను ఒప్పించాడనీ, ఆ సినిమాకి నిర్మాత గణేశ్ అనే వార్త షికారు చేస్తోంది. దీని పైన గణేష్ క్లారిటీ ఇచ్చారు. ఈ వార్తలో నిజం లేదని స్పష్టం చేశాడు. పవన్ తో సినిమా ఓకే కాగానే తానే వెల్లడి చేస్తానని అన్నారు.
మరిన్ని ఇక్కడ చదవండి :