
Arya and Sayyeshaa: కోలీవుడ్ స్టార్ హీరో ఆర్య తండ్రయ్యారు. ఆయన భార్య, హీరోయిన్ సాయేషా పండంటి పాపకు జన్మనిచ్చారు. ఈ విషయాన్ని హీరో విశాల్ సోషల్ మీడియా వేదికగా తెలిపారు. ట్విట్టర్ వేదికగా ఈ సంతోషకర విషయాన్ని అభిమానులతో పంచుకున్న విశాల్.. నా బ్రదర్ ఆర్య తండ్రయ్యాడు. సాయేషా పాపకు జన్మనిచ్చింది. నేను బాబాయిని అయ్యాను. చాలా సంతోషంగా ఉంది. వాళ్లకి అంతా మంచే జరగాలని.. ఆ పాపకు దేవుడి ఆశీస్సులు ఎల్లప్పుడూ ఉండాలని ప్రార్థిస్తున్నాను. నేను షూటింగ్ మధ్యలో ఉన్నాను.. ఈ ఆనందాన్ని తట్టుకోలేకపోతున్నాను అంటూ.. విశాల్ ఎమోషనల్ ట్వీట్ చేశారు. ఇక ఆర్య సాయేషా ప్రేమించి పెళ్లిచేసుకున్న విషయం తెలిసిందే. తమిళ్ తోపాటు ఆర్యకు తెలుగులోనూ మంచి మార్కెట్ ఉంది.
ఆయన నటించిన రాజా రాణి, ఆట ఆరంభం, నేనే అంబానీ, వాడు వీడు, సైజ్ జీరో సినిమాలు తెలుగులోనూ డబ్ అయ్యి మంచి విజయాన్ని అందుకున్నాయి. ఇక బన్నీ నటించిన వరుడు సినిమాలో ఆర్య విలన్ గా నటించి ఆకట్టుకున్నాడు. ఇక సాయేషా కూడా తెలుగు ప్రేక్షకులకు సుపరిచితురాలే.. అక్కినేని అఖిల్ మొదటి సినిమాలో సాయేషా హీరోయిన్ గా నటించింది. ఇక ఆర్య తాజా చిత్రం ‘సార్పట్ట’ ఓటీటీవేదికగా విడుదలై మంచి టాక్ ను సొంతం చేసుకుంది.
మరిన్ని ఇక్కడ చదవండి :