Allu Arjun: ఆ హీరోకి సర్ ప్రైజ్ గిఫ్ట్ పంపించిన బన్నీ… ప్రేమకు హ‌ద్దులు లేవు థాంక్స్ బావా అంటున్న నవదీప్

Navdeep Allu Arjun

Allu Arjun-Navadeep: చలన చిత్ర పరిశ్రమలో స్టార్ డమ్ తో సంబంధం లేకుండా ఫ్రెండ్ షిప్ చేసేవారు చాలా మంది ఉన్నారు. అందులో ఐకాన్ స్టార్ అల్లు అర్జున్, నవదీప్ కూడా ఉన్నారు. జై సినిమాతో హీరోగా ఎంట్రీ ఇచ్చి.. చంద‌మామ‌ (Chandamama), ఆర్య 2 సెకండ్ మెయిన్ లీడ్స్ లో న‌టించి..మంచి ఫ్యాన్ ఫాలోయింగ్ సంపాదించుకున్నారు నవదీప్‌. ఇండస్ట్రీలో నవదీప్ కు ఉన్న బెస్ట్ క్లోజ్ ఫ్రెండ్స్ లో ఐకాన్ స్టార్ అల్లు అర్జున్ కూడా ఉన్నారు. ఈ యంగ్ స్టార్ కు ఆ ఐకాన్‌ స్టార్ ఓ కాస్ట్‌లీ గిఫ్ట్‌ ఇచ్చారు. దానిని నవదీప్ ఇన్‌స్టాగ్రామ్‌లో షేర్‌ చేస్తూ త‌న సంతోషాన్ని అభిమానులతో పంచుకున్నారు. న‌వ‌దీప్‌కు ఎంతో ఖరీదైన ఎయిర్‌పొడ్స్‌ను  (Airpods) కానుక‌గా పంపి, వారి స్నేహ బంధాన్ని మరోసారి చాటుకున్నారు అల్లు అర్జున్.

సుకుమార్ డైరెక్షన్‌లో వ‌చ్చిన ఆర్య 2 సినిమాలో అల్లు అర్జున్‌-న‌వ‌దీప్ క్లోజ్ ఫ్రెండ్స్ గా న‌టించారు. ఈ క్రేజీ సినిమాలో బ‌న్నీ-న‌వ‌దీప్ మ‌ధ్య సన్నివేశాలు వారి స్నేహానికి చాలా దగ్గరగా ఉంటాయి. ఆర్య 2తో న‌వ‌దీప్‌-అల్లు అర్జున్ మధ్య స్నేహ‌బంధం మ‌రింత పెరిగింది. అల్లు అర్జున్ తనకు ప్రేమతో పంపిన ఆ గిప్ట్ ను సోషల్ మీడియాలో షేర్ చేశాడు  నవదీప్. అంతే కాదు బన్నీని ఉద్దేశించి చిన్న నోట్ కూడా రాశారు. “ప్రేమకు హ‌ద్దులు లేకపోతే..అకేష‌న్ ఏమీ లేకున్నా బహుమతులు ఇలానే వస్తుంటాయి..థాంక్స్‌ బావ.. ఈ సమాజం ఒప్పుకోకపోయినా ఆండ్రాయిడ్‌తో ఎయిర్‌పొడ్స్ వాడ‌తా” అంటూ నవదీప్‌ తన ఇన్‌స్టా స్టోరీలో రాసుకొచ్చారు నవదీప్‌.

Navdeep Gift

మరిన్ని ఎంటర్మెంట్ వార్తల కోసం ఇక్కడ క్లిక్ చేయండి..