Mahesh Babu: మహేష్ బాబు సినిమాలో ఇద్దరు బాలీవుడ్ బ్యూటీస్ ?..

Mahesh Babu

సూపర్ స్టార్ మహేష్ బాబు (Mahesh Babu) ప్రస్తుతం డైరెక్టర్ త్రివిక్రమ్ దర్శకత్వంలో ఓ సినిమా చేస్తున్న సంగతి తెలిసిందే. ఇటీవలే ఈ మూవీ రెగ్యూలర్ షూటింగ్ ప్రారంభమైంది. ఇందులో మహేష్ సరసన పూజా హెగ్డే కథానాయికగా నటిస్తోంది. ఈ సినిమాతోపాటు.. దర్శకధీరుడు రాజమౌళి డైరెక్షన్‏లోనూ మహేష్ నటించనున్నారు. ఇక వీరిద్దరి కాంబోలో రాబోతున్న సినిమా పై ఇప్పటికే భారీగా అంచనాలు నెలకొన్నాయి. అంతేకాకుండా.. మహేష్ తో తాను చేయబోయే సినిమా గ్లోబల్ భారీ యాక్షన్ అడ్వైంచర్ థ్రిల్లర్ అని చెప్పడంతో ఈ మూవీ కోసం ఆసక్తిగా ఎదురుచూస్తున్నారు ఫ్యాన్స్. ఇక గత కొద్దిరోజులుగా ఈ సినిమాకు సంబంధించిన క్రేజీ అప్డేట్స్ ఫిల్మ్ సర్కిల్లో వినిపిస్తున్నాయి.

లేటేస్ట్ టాక్ ప్రకారం ఈ సినిమాలో మహేష్ బాబుతో ఇద్దరు హీరోయిన్లు జత కట్టనున్నారట. అంతేకాకుండా..వీరిద్దరు బాలీవుడ్ హీరోయిన్స్ అని తెలిసిందే. ఇక తాజాగా వినిపిస్తోన్న సమాచారం ప్రకారం.. అలియా భట్, దీపికా పదుకొణే ఇద్దరి పేర్లను మేకర్స్ పరిశీలిస్తున్నారని తెలుస్తోంది. ఈ చిత్రాన్ని దాదాపు రూ. 600 కోట్ల బడ్జెట్‏తో పాన్ ఇండియా లెవల్లో తెరకెక్కించనున్నారట. అయితే వీరిద్దరి కాంబోలో రాబోతున్న ప్రాజెక్ట్ గురించి ఇప్పటివరకు ఎలాంటి అప్డేట్ రాలేదు. మరోవైపు జక్కన్న తెరకెక్కించిన ఆర్ఆర్ఆర్ సినిమా ఆస్కార్ కు నామినేట్ అయినట్లుగా తెలుస్తోంది.