Tollywood : అప్పుడు అమ్మాయిల డ్రీమ్ బాయ్.. ఇప్పుడు ఇలా గుర్తుపట్టని విధంగా.. ఈ హీరో ఎవరంటే..

దక్షిణాదిలో విపరీతమైన ఫ్యాన్ ఫాలోయింగ్ ఉన్న హీరో అతడు. ఎలాంటి బ్యాగ్రౌండ్ సపోర్ట్ లేకుండా సినీరంగంలోకి అడుగుపెట్టి తనకంటూ ప్రత్యేక గుర్తింపు తెచ్చుకున్నారు. ఇప్పటికీ అమ్మాయిల డ్రీమ్ బాయ్. ఎన్నో సూపర్ హిట్ చిత్రాలతో సినీప్రియులను అలరించిన ఈ హీరో ఇప్పుడు గుర్తుపట్టని విధంగా మారిపోయారు. ఇంతకీ ఈ హీరో ఎవరో తెలుసా.. ?

Ajith Kumar

Rajitha Chanti |
Updated on: Jun 30, 2025 | 10:10 AM

ఒకప్పుడు అమ్మాయిల డ్రీమ్ బాయ్. ఎన్నో సూపర్ హిట్ చిత్రాల్లో అద్భుతమైన నటనతో అడియన్స్ హృదయాలను గెలుచుకున్నారు. ఎలాంటి బ్యాగ్రౌండ్ సపోర్ట్ లేకుండానే మోడలింగ్ రంగంలోకి అడుగుపెట్టి.. ఆ తర్వాత సినీరంగంలో సత్తా చాటిన హీరో. ఇప్పటికీ వరుస సినిమాలతో ప్రేక్షకులను అలరిస్తున్నారు. అలాగే ఎప్పటికప్పుడు తన కొత్త లుక్ తో ఆశ్చర్యపరుస్తుంటారు. అలాగే తన ఫిట్ గా కనిపిస్తుంటారు.తాజాగా తన లుక్ చూసి షాకవుతున్నారు ఫ్యాన్స్. ఇన్నాళ్లు ఎంతో ఫిట్ గా కనిపించిన ఈ హీరో.. ఇప్పుడు మరింత సన్నగా అయ్యారు. లుక్ కూడా పూర్తిగా మారిపోయింది. ప్రస్తుతం ఈ హీరో న్యూలుక్ ఫోటోస్, వీడియోస్ వైరలవుతున్నాయి. ఇంతకీ ఈ హీరో ఎవరో తెలుసా.. ? అతడే స్టార్ హీరో అజిత్…

కోలీవుడ్ ఇండస్ట్రీలో అత్యధిక ఫాలోయింగ్ ఉన్న హీరోలలో అజిత్ ఒకరు. ఈ ఏడాది విడాముయార్చి, గుడ్ బ్యాడ్ అగ్లీ సినిమాలతో బ్యాక్ టూ బ్యాక్ హిట్స్ అందుకున్నారు. ఈ రెండు సినిమాలకు అడియన్స్ నుంచి మంచి రెస్పాన్స్ వచ్చింది. దీంతో ఇప్పుడు అజిత్ నటించనున్న సినిమాపై మరింత హైప్ నెలకొంది. నెక్ట్స్ అజిత్ ఎవరీ డైరెక్షన్ లో నటించనున్నాడనే ఆసక్తి మరింత ఎక్కువైంది. దీంతో ఈ హీరో తదుపరి సినిమా అప్డేట్స్ కోసం ఫ్యాన్స్ ఎదురుచూస్తున్నారు. ఈ క్రమంలో తాజాగా అజిత్ లుక్ మాత్రం ఆశ్చర్యపరుస్తుంది.

ఇవి కూడా చదవండి

ప్రస్తుతం అజిత్ కొత్త సినిమా కోసం రెడీ అవుతున్నట్లు తెలుస్తోంది. ఆ సినిమా కోసమే ఇలా పూర్తిగా బక్కచిక్కిపోయినట్లు కనిపిస్తుంది. మరోవైపు ఇటు సినిమాలతోపాటు అటు రేసింగ్స్ లోనూ పాల్గొంటున్నారు. ఈ రేసింగ్ లోనూ ప్రతిసారి ప్రమాదానికి గురవుతున్నారు. అటు సినిమాలు.. ఇటు రేసింగ్స్ రెండింటితో బిజీగా ఉంటున్నారు. ప్రస్తుతం వినిపిస్తున్న సమాచారం ప్రకారం అజిత్ AK 64 సినిమాను డైరెక్టర్ అధిక్ రవిచంద్రన్ తెరకెక్కించనున్నట్లు టాక్.