Thaman: నీ అడ్రస్ పంపు బే.. నెటిజన్ ట్వీట్ పై తమన్ రియాక్షన్.. అసలు ఏం జరిగిందంటే..

సోషల్ మీడియాలో సినీతారలు ఎంత యాక్టివ్ గా ఉంటారో చెప్పక్కర్లేదు. నెట్టింట తమపై నెటిజన్స్ చేసే కామెంట్స్ పై పలువురు సెలబ్రెటీస్ రియాక్ట్ అవుతుంటారు. మరికొందరు చూసి చూడనట్టు వదిలేస్తుంటారు. తాజాగా మ్యూజిక్ డైరెక్టర్ తమన్ కు కోపం తెప్పించాడు ఓ నెటిజన్. దీంతో తనదైన స్టైల్లో గట్టి కౌంటర్ ఇచ్చారు తమన్. అసలేం జరిగిందంటే..

Thaman

Rajitha Chanti |
Updated on: Jun 26, 2025 | 8:11 AM

టాలీవుడ్ ఇండస్ట్రీలో టాప్ మ్యూజిక్ డైరెక్టర్లలో తమన్ ఒకరు. ఇప్పుడు చేతినిండా సినిమాలతో బిజీగా ఉన్న సంగతి తెలిసిందే. ఓవైపు వరుస చిత్రాలతో క్షణం తీరిక లేకుండా ఉన్న తమన్.. ఇటు సోషల్ మీడియాలోనూ అంతే యాక్టివ్ గా ఉంటారు. నిత్యం ఏదోక పోస్ట్ చేస్తుంటారు. అలాగే పలు అంశాలపై తన అభిప్రాయాలను వ్యక్తం చేస్తుంటారు. అలాగే తన ఫాలోవర్ల పోస్టులకు రిప్లై ఇస్తుంటారు. అయితే తాజాగా ఓ నెటిజన్ తమన్ కు కోపం తెప్పించేలా కామెంట్ చేశారు. దీంతో తన స్టైల్లో కౌంటర్ ఇచ్చారు తమన్. అసలు విషయానికి వస్తే.. తమన్.. ప్రతి సినిమాకు తమన్ ఏ రేంజ్ మ్యూజిక్ ఇస్తుంటారో తెలిసిందే. క్లాసిక్ అయినా.. మాస్ అయిన తన మ్యూజిక్ తో సినిమాను మరో రేంజ్ కు తీసుకువెళ్తుంటారు. అలాగే ఇటు క్రికెట్ లోనూ అదరగొట్టేస్తారు. సీసీఎల్ లీగ్ లో తెలుగు వారియర్స్ టీమ్ లో తమన్ కీలక ప్లేయర్ సైతం కూడా. అలాంటి ఓ క్రికెట్ వీడియోను షేర్ చేస్తూ డోంట్ బౌల్ షార్ట్ బాల్ బ్రో అంటూ పోస్ట్ చేశారు.

అయితే ఆ వీడియోకు ఓ నెటిజన్ రిప్లై ఇస్తూ తమన్ ను ఉద్దేశించి కామెంట్ చేశారు. షార్ట్ కు.. స్లాట్ కు తేడా తెలియనప్పుడే నాకు అర్థమైంది.. నువ్వు ధోని ఫ్యాన్ అంటూ వ్యంగ్యంగా కామెంట్ చేశారు. ఇది చూసిన తమన్.. ఎప్పటిలాగే తన స్టైల్లో కౌంటరిచ్చాడు. “ఒకే రా.. వచ్చి నేర్చుకుంటా అడ్రస్ పంపు బే” అంటూ రిప్లై ఇచ్చారు తమన్. ఇప్పుడు ఇది కాస్తా నెట్టింట తెగ వైరల్ కావడంతో నెటిజన్స్ రియాక్ట్ అవుతున్నారు. ఆ వీడియోలో తమన్ చెప్పింది కరెక్ట్ అని.. నువ్వే అనవసరంగా తెలియకుండా కామెంట్ చేశావంటూ సదరు నెటిజన్ కు ఇచ్చిపడేస్తున్నారు. ఇలాంటి కామెంట్స్ ఎందుకు పట్టించుకుంటావ్ అన్నా.. వాళ్లను వదిలేయ్ అన్నా అంటూ మరికొందరు కామెంట్స్ చేస్తున్నారు.

ఇవి కూడా చదవండి

ఇక తమన్ విషయానికి వస్తే.. ప్రస్తుతం చేతి నిండా ప్రాజెక్టులతో బిజీగా ఉన్నారు. ఇప్పుడు అఖండ 2, ఓజీ చిత్రాలకు మ్యూజిక్ అందిస్తున్నారు. ఈ రెండు సినిమాల కోసం ఫ్యాన్స్ ఎంతో ఆసక్తిగా ఎదురుచూస్తున్నారు. కొన్ని నెలలుగా ఈ మూవీ షూటింగ్స్ వేగంగా జరుగుతున్నాయి. త్వరలోనే ఈ రెండు చిత్రాలు అడియన్స్ ముందుకు రానున్నాయి.

తమన్ ట్వీట్..