Ajinkya Rahane : సూర్య సినిమా పై ప్రశంసలు కురిపించిన టీమిండియా స్టార్ క్రికెటర్..
సూర్య హీరోగా సుధా కొంగర దర్శకత్వంలో రూపొందిన చిత్రం ‘సూర‌రై పోట్రు’ తెలుగులో ఈ చిత్రం ‘ఆకాశం నీ హ‌ద్దురా’ పేరుతో విడుదలైంది. ఈ చిత్రాన్ని ఓటీటీ మాధ్య‌మం అమెజాన్ ప్రైమ్‌లో..
Ajinkya Rahane : సూర్య హీరోగా సుధా కొంగర దర్శకత్వంలో రూపొందిన చిత్రం ‘సూర‌రై పోట్రు’ తెలుగులో ఈ చిత్రం ‘ఆకాశం నీ హ‌ద్దురా’ పేరుతో విడుదలైంది. ఈ చిత్రాన్ని ఓటీటీ మాధ్య‌మం అమెజాన్ ప్రైమ్‌లో గత ఏడాది విడుదలచేశారు. ఈసినిమా ఊహించినదానికంటే సూపర్ హిట్ టాక్ ను సొంతం చేసుకుంది. ఈ సినిమాలో అప‌ర్ణ బాల ముర‌ళి హీరోయిన్‌గా న‌టించారు. ఎయిర్ డెక్క‌న్ అధినేత గోపీనాథ్ జీవిత‌గాథ‌ను ఆధారంగా చేసుకుని రూపొందిన చిత్ర‌మిది. క‌లెక్ష‌న్‌కింగ్ మోహ‌న్‌బాబు ఇందులో కీల‌క పాత్ర‌లో న‌టించారు. జి.వి.ప్రకాష్ కుమార్ సంగీతం అందించారు.కాగా ఈసినిమా పై టీమిండియా స్టార్ క్రికెటర్ రహానే ప్రశంసలు కురిపించాడు.
తాజాగా రహానే సోషల్ మీడియా ద్వారా తన అభిమానులతో ముచ్చటించాడు. ఈ క్రమంలో ఓ అభిమాని తమిళ సినిమాలు ఏమైనా చూసారా..? అని ప్రశ్నించగా .. ‘సూరారై పొట్రు’ సినిమా చూశానని చాలా బాగుందని చెప్పుకొంచాడు. తనకు తమిళం రాకపోయినా.. సబ్ టైటిల్స్ తో అర్థం చేసుకున్నానని తెలిపాడు. ఈ సినిమాలో సూర్య నటన చాలా బాగుందని.. తనకు ఎంతో నచ్చిందని.. దక్షిణాది చిత్రాలు చాలా బాగుంటాయని అన్నాడు రహానే.
మరిన్ని ఇక్కడ చదవండి :
మళ్లీ ఫాంలోకి వచ్చిన సీనియర్ హీరోలు.. ఒకే నెలలో థియేటర్లలో పోటీకి సిద్ధం.. అభిమానలకు పండగే ఇక