Adipurush:’ఆది పురుష్‌’ థియేటర్లలో హనుమంతుడి సీట్స్‌.. ఎలా అలంకరించారో చూశారా?
రెండు తెలుగు రాష్ట్రాల్లోనూ ఆదిపురుష్ మేనియా కొనసాగుతోంది. థియేటర్ల వద్ద అభిమానుల కోలాహలం ఓ రేంజ్‌లో ఉంది. కాగా రామాయణ పారాయణం జరిగే చోటుకు హనుమంతుడు వస్తాడన్న నమ్మకంతో 'ఆదిపురుష్' ప్రదర్శించే థియేటర్లలో ఒక సీటును ఖాళీగా ఉంచనున్నారు. ఈనేపథ్యలో ఈ స్పెషల్‌ సీటును ఎలా ఏర్పాటుచేశారన్న ఉత్కంఠ నెలకొంది.
పాన్‌ ఇండియా స్టార్‌ ప్రభాస్‌, బాలీవుడ్‌ బ్యూటీ కృతిసనన్‌ లు నటించిన చిత్రం ‘ఆది పురుష్‌’ రామాయణం మహా కావ్యం ఆధారంగా బాలీవుడ్‌ దర్శకుడు ఓం రౌత్‌ ఈ మైథలాజికల్‌ మూవీని తెరకెక్కించారు. భారీ అంచనాలతో శుక్రవారం (జూన్‌ 16) థియేటర్లలో గ్రాండ్‌గా రిలీజైంది ఆది పురుష్‌. ఇప్పటికే ప్రీమియర్‌, బెన్‌ఫిట్‌ షోస్‌ పూర్తయ్యాయి. ఇక రెండు తెలుగు రాష్ట్రాల్లోనూ ఆదిపురుష్ మేనియా కొనసాగుతోంది. థియేటర్ల వద్ద అభిమానుల కోలాహలం ఓ రేంజ్‌లో ఉంది. కాగా రామాయణ పారాయణం జరిగే చోటుకు హనుమంతుడు వస్తాడన్న నమ్మకంతో ‘ఆదిపురుష్‘ ప్రదర్శించే థియేటర్లలో ఒక సీటును ఖాళీగా ఉంచనున్నారు. ఈనేపథ్యలో ఈ స్పెషల్‌ సీటును ఎలా ఏర్పాటుచేశారన్న ఉత్కంఠ నెలకొంది. తాజాగా హనుమంతుడి సీటుకు సంబంధించిన కొన్ని ఫొటోలు, వీడియోలు సోషల్‌ మీడియాలో వైరలవుతున్నాయి. ఇందులో స్పెషల్‌ సీటును కాషాయ వస్త్రంతో కప్పి.. హనుమంతుని చిత్రపటం ఉంచారు. అలాగే జై శ్రీరామ్‌ అంటూ ఆ చైర్‌పై రాసుకొచ్చారు.
అలాగే చాలా థియేటర్లలో హనుమంతుడి సీటును పూలమాలలతో అలంకరించారు. అలాగే థియేటర్లలో అడుగుపెట్టిన అభిమానులు మొదట హనుమంతుడి సీటుకు పూజలు చేసి తమ సీట్లలో ఆసీనులవుతున్నారు. ప్రస్తుతం ఆదిపురుష్ థియేటర్లలో హనుమంతుడి సీట్లకు సంబంధించిన ఫొటోలు, వీడియోలు నెట్టింట్లో వైరలవుతున్నాయి. కాగా సినిమా అడినన్న రోజులు ఈ సీటు ఖాళీగా ఉంటుందని థియేటర్‌ యజమానులు చెబుతున్నారు.
మరిన్ని సినిమా వార్తల కోసం క్లిక్ చేయండి..