Kasthuri Shankar: అనారోగ్యం బారినపడిన నటి కస్తూరి.. సోషల్ మీడియాలో ఫోటోలు షేర్ చేస్తూ..
కస్తూరి తెలుగు, తమిళ్, మలయాళ, కన్నడ భాషల్లో నటించారు . ఇంటింటి గృహలక్ష్మి అనే సీరియల్ ద్వారా కస్తూరి ప్రేక్షకులకు మరింత దగ్గరయ్యారు.
సీనియర్ హీరోయిన్ కస్తూరి శంకర్ అందరికి గుర్తుండే ఉంటుంది. అప్పట్లో హీరోయిన్ గా సినిమాలు చేసిన ఆమె ఇప్పుడు సెకండ్ ఇన్నింగ్స్ లో సీరియల్స్‌లో నటిస్తూ అలరిస్తున్నారు. కస్తూరి తెలుగు, తమిళ్, మలయాళ, కన్నడ భాషల్లో నటించారు . ఇంటింటి గృహలక్ష్మి అనే సీరియల్ ద్వారా కస్తూరి ప్రేక్షకులకు మరింత దగ్గరయ్యారు. ఆ సీరియల్ తో కస్తూరి బుల్లితెరపై మంచి ఫ్యాన్‌ ఫాలోయింగ్‌ను సంపాదించుకున్నారు. ఇక కస్తూరి సోషల్ మీడియాలో చాలా యాక్టివ్ గా ఉంటారు. తన పర్సనల్ లైఫ్ కు సంబంధించిన అప్డేట్స్ తో పాటు సినిమాలు, సీరియల్స్ అప్డేట్స్ కూడా అభిమానులతో పంచుకుంటూ ఉంటారు.
అంతే కాదు సమాజంలో జరిగే అంశాల పై కూడా కస్తూరి సోషల్ మీడియా వేదికగా తన గొంతు వినిపిస్తుంటారు . ఇదిలా ఉంటే తాజాగా ఆమె అనారోగ్యానికి గురైందని తెలుస్తోంది. తాను అనారోగ్యం బారిన పడ్డానంటూ ఇన్‌స్టాగ్రామ్‌ వేదికగా వెల్లడించారు కస్తూరి. ఆ వ్యాధి తనపై ఎంతగా ప్రభావం చూపిందో చెప్తూ కొన్ని ఫొటోలను షేర్ చేసారు.
కస్తూరి చికెన్‌ పాక్స్‌తో బాధపడుతున్నారట. ఈ వ్యాధి సోకడంతో తన మొఖం అంతా మారిపోయిందని. ఈ చికెన్‌ పాక్స్‌ మచ్చలు ఎలా ఉన్నాయో చూడండి.. అదృష్టం ఏంటంటే అవి నా కళ్లపై వాటి ప్రభావం చూపలేదు. ఎప్పటి లాగే నా ఇన్‌స్టాగ్రామ్‌ ఫ్యామిలీ ప్రేమ, మద్దతు నాకు ఉంటుందని ఆశిస్తున్నా. ఎంతోకాలంగా సంరక్షించుకుంటున్నా నా మృదువైన చర్మం ఇప్పుడు మచ్చలు, మొటిమలతో ఇబ్బందిగా మారింది’ అంటూ కస్తూరి తన బాధను సోషల్ మీడియాలో రాసుకొచ్చారు. ఇప్పుడు ఈ ఫోటోలు వైరల్ అవుతున్నాయి.