Bigg Boss : నన్ను వాడుకుని వదిలేశాడు.. టార్చర్ చేశాడు.. అందుకే చచ్చిపోవాలనుకున్నా.. బిగ్ బాస్ బ్యూటీ..

Inaya Sultana

టాలీవుడ్ నటి, బిగ్ బాస్ ఫేమ్ ఇనయా సుల్తానా తన జీవితంలో ఎదుర్కొన్న అత్యంత కష్టమైన దశలను ఓ ఇంటర్వ్యూలో పంచుకున్నారు. బిగ్‌బాస్ షో తర్వాత ఆమెకు వచ్చిన ప్రజాదరణ, అవకాశాలను వివరించిన ఆమె, అదే సమయంలో తన వ్యక్తిగత జీవితంలో ఎదురైన చేదు అనుభవాలను వెల్లడించారు. బిగ్‌బాస్ నుంచి బయటకు వచ్చిన తర్వాత, ఇనయాకు మంచి క్రేజ్ లభించింది. ఇన్‌స్టాగ్రామ్ రీల్స్, బ్రాండ్ ప్రమోషన్స్, ఈవెంట్‌లు, ఓపెనింగ్‌లతో బిజీగా గడిపారు. అయితే, ఇదే సమయంలో ఆమె ఓ ప్రేమ సంబంధంలోకి అడుగుపెట్టారు. ఒంటరితనం, తనకంటూ ఎవరూ లేరన్న భావనతో ఎంతో మందిని నమ్మారని, ఇదే తన జీవితంలో అనేక సమస్యలకు దారితీసిందని ఇనయా పేర్కొన్నారు. ఒక దశలో తన తల్లిదండ్రుల ప్రేమ కూడా దక్కలేదని, ఎవరూ లేరనే లోటుతో ఉన్న సమయంలో ఒకరు తన జీవితంలోకి వచ్చారని, ఆ వ్యక్తికి తాను సర్వస్వం ఇచ్చానని ఆమె తెలిపారు.

ఎక్కువమంది చదివినవి : Aamani: నాకు లైఫ్ ఇచ్చింది ఆయనే.. ఆ హీరోతోనే ఎక్కువ సినిమాలు చేశా.. హీరోయిన్ ఆమని..

తన మాజీ ప్రియుడు తన పేరు, సంపాదనను వాడుకున్నాడని, ఆ తర్వాత తనను వదిలేశాడని ఇనయా ఆరోపించారు. ఈ సంబంధంలో తాను ఆర్థికంగా తీవ్రంగా నష్టపోయానని, దాదాపు 5 లక్షల రూపాయల అప్పుల్లో కూరుకుపోయానని చెప్పారు. తన వద్ద ఉన్న బంగారు గాజులను కూడా అమ్మి, అతని వ్యాపారంలో పెట్టుబడిగా పెట్టగా, అది కూడా వృథా అయిందని ఆమె తెలిపారు. బ్యాంక్ బ్యాలెన్స్ సున్నాకు చేరడమే కాకుండా, తన మాజీ ప్రియుడు తనను వదిలి వెళ్ళే ముందు కూడా 4-5 లక్షల రూపాయలు తీసుకున్నాడని ఇనయా వివరించారు. మానసికంగా కూడా ఆమె తీవ్రమైన వేదనను అనుభవించారు. తన మాజీ ప్రియుడి ప్రవర్తనను నార్సిసిస్టిక్ (స్వార్థపరులైన) స్వభావంగా ఆమె అన్నారు. ఆ వ్యక్తి తనను ప్రేమ బాంబింగ్ చేసి, ఆ తర్వాత తనపై నేరం మోపి, పశ్చాత్తాపానికి గురిచేసేవాడని చెప్పారు. తన పేరు, కీర్తి, డబ్బు పట్ల అతనికున్న అసూయ, అభద్రతా భావం వల్లే తరచూ గొడవలు జరిగేవని తెలిపారు. షూటింగ్‌లకు వెళ్లే ముందు కూడా రాత్రంతా గొడవలు పడేవారని, అది ఒకరకమైన టార్చర్ అని ఇనయా వివరించారు. తనను అందరి ముందు తిట్టడాన్ని సహించలేక ఈ సంబంధం నుంచి బయటపడ్డానని ఆమె తెలిపారు.

ఎక్కువమంది చదివినవి :  Comedian Sudhakar: ఒక్క సినిమాకు రూ.30 వేల రెమ్యునరేషన్.. ఆస్తులపై క్లారిటీ ఇచ్చిన నటుడు సుధాకర్..

ఈ కష్టాల మధ్య ఆత్మహత్య ఆలోచనలు కూడా వచ్చాయని, కానీ వాటిని అధిగమించి, తన కెరీర్‌పై దృష్టి సారించినట్లు ఇనయా సుల్తానా వెల్లడించారు. ప్రస్తుతం 6-7 సినిమాలలో నటిస్తున్నానని, ఆర్థిక నష్టాలు తనకు పెద్ద లెక్క కాదని, దరిద్రం వదిలిపోయిందని భావిస్తున్నానని ఆమె ధైర్యంగా చెప్పారు. “కాలం నాకు అన్నీ తిరిగి ఇస్తుంది” అని తెలిపారు.

ఎక్కువమంది చదివినవి :  Eshwar Sai : ఆ టైంలోనే మాధురి నాకు కనెక్ట్ అయ్యింది.. ఆమె చాలా మంచిది.. నోరు విప్పిన ఫోక్ డ్యాన్సర్ ఈశ్వర సాయి..

ఇనయ సుల్తానా పోస్ట్..

ఎక్కువమంది చదివినవి : Chalaki Chanti: వాడు నా పొట్ట కొట్టాడు.. నాకు అవకాశాలు రాకుండా చేశాడు.. చలాకీ చంటి..