Venkatesh: తెలుగు రాష్ట్రాలకు భారీ విరాళం ప్రకటించిన వెంకటేష్, మైత్రి మూవీ మేకర్స్

రేషన్ కార్డుతో సంబంధం లేకుండా నిత్యావసరాలను అందించాలని వరద బాధితులు ప్రభుత్వాన్ని కోరారు. దీంతో ఏపీ ముఖ్యమంత్రి చంద్రబాబు రేషన్ కార్డు లేనివారికి ఆధార్‌ కార్డు ఆధారంగా నిత్యావసర సరుకులను పంపిణీ చేయాలని ఆదేశించారు.. మరోవైపు తెలంగాణలోనూ వరదలు ముంచెత్తాయి.

Tollywood

Updated on: Sep 06, 2024 | 7:15 PM

విజయవాడ వాసులను వరద కష్టాలు వెంటాడుతున్నాయి. పలు కాలనీలు ఇంకా జలదిగ్బంధంలోనే ఉన్నాయి. దీంతో ఆహారం, తాగునీరు లేక వరద బాధితులు ఇబ్బందులు పడుతున్నారు. రేషన్ కార్డుతో సంబంధం లేకుండా నిత్యావసరాలను అందించాలని వరద బాధితులు ప్రభుత్వాన్ని కోరారు. దీంతో ఏపీ ముఖ్యమంత్రి చంద్రబాబు రేషన్ కార్డు లేనివారికి ఆధార్‌ కార్డు ఆధారంగా నిత్యావసర సరుకులను పంపిణీ చేయాలని ఆదేశించారు.. మరోవైపు తెలంగాణలోనూ వరదలు ముంచెత్తాయి. ఖమ్మంలో వరదల ధాటికి జనజీవనం అస్తవ్యస్తంగా తయారయ్యింది. ప్రజలు ప్రాణాలు అరచేత్తో పట్టుకు జీవించారు. ఇప్పటికి కొన్ని కాలనీలు నీళ్లలోనే ఉన్నాయి. ఆహరం దొరక్క ప్రజలు అవస్థలు పడుతున్నారు. పదుల సంఖ్యలో ప్రజలు ప్రాణాలు కోల్పోతున్నారు.

ఇక వరద భాదితులను ఆదుకునేందుకు సినిమా తారలు ముందుకు వస్తున్నారు. రెండు రాష్ట్రాల ముఖ్యమంత్రి సహాయక నిధులకు భారీగా విరాళాలు ఇస్తున్నారు . ఇప్పటికే చాలా మంది విరాళాలు ప్రకటించగా.. తాజాగా హీరో వెంకటేష్ కూడా రెండు రాష్ట్రాలకు విరాళం ప్రకటించారు. సురేష్ ప్రొడక్షన్స్ తో కలిసి ఆయన రూ. 1 కోటి విరాళం ప్రకటించారు. అలాగే మైత్రి మూవీ మేకర్స్ రెండు రాష్ట్రాలకు కలిపి రూ. 50లక్షలు విరాళం ప్రకటించారు.