Oke Oka Jeevitham: ఆసక్తికరంగా ఒకే ఒక జీవితం ట్రైలర్.. ఇంట్రెస్టింగ్ కంటెంట్‏తో శర్వానంద్..

Oke Oka Jeevitham

వైవిధ్యభరితమైన చిత్రాలతో తెలుగు చిత్రపరిశ్రమలో తనకంటూ ప్రత్యేక గుర్తింపు తెచ్చుకున్నాడు శర్వానంద్. కంటెంట్ ప్రాధాన్యతను బట్టి సినిమాలను ఎంచుకుంటూ..హిట్టు ప్లాపులతో సంబంధం లేకుండా వరుస చిత్రాలను చేస్తున్నారు. ఇటీవలే ఆడవాళ్లు మీకు జోహార్లు సినిమాతో ప్రేక్షకుల ముందుకు వచ్చి పాజిటివ్ టాక్ సొంతం చేసుకున్నాడు. ప్రస్తుతం ఈ హీరో సరైన హిట్టు కోసం ఎదురుచూస్తున్నాడు. ఆయన ప్రధాన పాత్రలో నటిస్తోన్న లేటేస్ట్ చిత్రం ఒకే ఒక జీవితం (Oke Oka Jeevitham) విడుదలకు సిద్ధంగా ఉంది. ఈ సినిమాకు డైరెక్టర్ శ్రీకార్తిక్ దర్శకత్వం వహిస్తున్నారు. ఇప్పటికే ఈ సినిమా నుంచి విడుదలైన పోస్టర్స్, వీడియోస్ సినిమాపై ఆసక్తిని పెంచాయి. ఇక తాజాగా విడుదలైన ఈ మూవీ ట్రైలర్ మరింత ఇంట్రెస్టింగ్‏గా ఉంది.

శర్వానంద్ ఏదో మ్యూజిక్ కాంపిటేషన్‏కు ప్రాక్టీస్ చేస్తున్నట్లు ట్రైలర్ ప్రారంభమయ్యింది. అంతలోనే రీతూవర్మ కంగ్రాట్స్ ఆది.. ఫస్ట్ రౌండ్‏లో సెలెక్ట్ అయ్యావు అంటూ మాట్లాడం ఆకట్టుకుంది. అలాగే ఇందులో వెన్నెల కిషోర్, ప్రియదర్శి కీలకపాత్రలలో కనిపించనున్నారు. సీనియర్ నటుడు నాజర్ శాస్త్రవేత్తగా కనిపించనున్నాడు. శర్వానంద్, ప్రియదర్శి, వెన్నెల కిశోర్ ముగ్గురిని నాజర్ బాల్యంలోకి పంపిస్తాడు. అసలు వీళ్ల గతంలో ఏం జరిగింది ?. మళ్లీ ఎందుకు గతంలోకి వెళ్లాలనుకున్నారు ? అనేది ఈ సినిమా స్టోరీ అన్నట్లుగా తెలుస్తోంది. ఈ సినిమా శర్వానంద్ తల్లిగా అక్కినేని అమల నటింటారు. డ్రీమ్ వారియర్స్ పిక్చర్స్ బ్యానర్ పై ఎస్ఆర్ ప్రకాష్ బాబు, ఎస్ఆర్ ప్రభు ఈ సినిమాను నిర్మిస్తున్నారు. తాజాగా విడుదలైన ఈ మూవీ ట్రైలర్ సినిమాపై మరింత ఇంట్రెస్ట్ క్రియేట్ చేసింది. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ సినిమా తెలుగుతోపాటు తమిళంలో సెప్టెంబర్ 9న విడుదల కానుంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి