Gopichand: సక్సెస్‏ఫుల్ డైరెక్టర్‏తో గోపిచంద్ సినిమా.. మరోసారి హ్యాట్రిక్ కాంబో రిపీట్..

Gopichand

టాలెంటెడ్ హీరో గోపిచంద్ గత కొంత కాలంగా సరైన హిట్ కోసం ఎదురుచూస్తున్నారు. ప్రస్తుతం గోపిచంద్ సంపత్ నంది దర్శకత్వంలో “సీటీమార్” సినిమా చేస్తున్నాడు. ఇందులో మిల్కీబ్యూటీ తమన్నా హీరోయిన్‏గా చేస్తుండగా.. ఇప్పటికే ఈ మూవీ షూటింగ్ పూర్తైంది. ఇక దీంతోపాటు.. మారుతి దర్శకత్వంలో “పక్కా కమర్షియల్” సినిమా చేస్తున్నాడు ఈ టాలెంటెట్ హీరో. ఇక ఈ సినిమాలతోపాటు.. గోపిచంద్..తాజాగా మరో ప్రాజెక్ట్‏ను ప్రకటించేశారు. గతంలో గోపిచంద్‏కు హిట్ అందించిన లక్ష్య్ం సినిమాతో శ్రీవాస్ డైరెక్టర్‏గా పరిచయమయ్యాడు. ఇక ఆ తర్వాత వీరిద్దరి కాంబోలో వచ్చిన లౌక్యం సినిమా కూడా మంచి విజయాన్ని అందుకుంది. తాజాగా మరోసారి వీరిద్దరి కాంబో రిపీట్ కానుంది. ఈ క్రమంలోనే గోపిచంద్, శ్రీవాస్‏ల కలయికలో రానున్న మరో హ్యాట్రిక్ మూవీని అధికారికంగా ప్రకటించేశారు మేకర్స్.

పీపుల్స్ మీడియా ఫ్యాక్టరీ బ్యానర్ పై టీజీ విశ్వప్రసాద్ నిర్మిస్తున్న ఈ సినిమా గోపిచంద్ కెరీర్‏లో 30వ చిత్రంగా రానుంది. తాజాగా గోపిచంద్, శ్రీవాస్ కలయికలో రానున్న గోపిచంద్ 30వ చిత్రానికి సంబంధించిన ఓ పోస్టర్‏ను విడుదల చేశారు మేకర్స్. అనౌన్సమెంట్ పోస్టర్ లో కోల్ కటా లోని హౌరా బ్రిడ్జ్ – అక్కడి ప్రసిద్ధ కాళి మాతా విగ్రహం మరియు భారీ ట్రాఫిక్ ను చూపించారు. ఇక పోస్టర్ చూస్తుంటే.. ఈ మూవీ కలకత్తా బ్యాక్ డ్రాప్ నేపథ్యంలో రానున్నట్లుగా తెలుస్తోంది. ఈ చిత్రానికి భూపతి రాజా స్టోరీ అందిస్తున్నారు. భారీ బడ్జెట్‌తో రూపొందనున్న ఈ సినిమా టైటిల్‌ ఖరారు కావాల్సి ఉంది. అయితే లక్ష్యం, లౌక్యం వంటి సూపర్ హిట్ చిత్రాలను అందించిన శ్రీవాస్ మరోసారి.. గోపిచంద్‏కు బ్లాక్ బస్టర్ హిట్ అందించేందుకు రెడీ అయినట్లుగా తెలుస్తోంది. ఇక ఈ సినిమాలో నటించే నటీనటులకు సంబంధించిన పూర్తి వివరాలను త్వరలోనే చిత్రయూనిట్ అధికారికంగా ప్రకటించనున్నారు.

ట్వీట్..

Also Read: Narappa Trailer: మరోసారి విశ్వరూపం చూపించిన వెంకటేశ్.. “నారప్ప” ట్రైలర్ అదుర్స్..

Dia Mirza: మే నెలలో కొడుకు.. రెండు నెలలుగా ఐసీయూలోనే.. తన కుమారుడి పేరును చెప్పిన దియా మీర్జా..