Ajith Kumar: తెరపైనే కాదు.. రియల్ లైఫ్‏లోనూ హీరోనే.. షూటింగ్ ఛాంపియన్‏గా అజిత్.. ఎన్ని గోల్డ్ మెడల్స్ గెలుచుకున్నాడో తెలుసా..

Ajith

వెండితెరపైనే కాదు.. రియల్ లైఫ్‏లోనూ హీరో అనిపించుకున్నాడు తమిళ్ స్టార్ అజిత్ కుమార్ (Ajith Kumar). 47వ తమిళనాడు రాష్ట్ర షూటింగ్ ఛాంపియన్‏షిప్‏లో పాల్గోన్న అజిత్..ఏకంగా నాలుగు బంగారు పతకాలను గెలుచుకున్నాడు. అంతేకాకుండా ఇదే పోటీలో రెండు కాంస్య పతకాలను సొంతం చేసుకున్నారు. అజిత్ షూటింగ్ కు సంబంధించిన ఫోటోస్ సోషల్ మీడియాలో వైరల్ అవుతున్నాయి. దీంతో ఆయనకు అభిమానులు శుభాకాంక్షలు తెలుపుతున్నారు. 47వ తమిళనాడు రాష్ట్ర షూటింగ్ ఛాంపియన్‏షిప్ పోటీలో ఈ వారం ప్రారంభంలో తిరుచ్చి రైఫిల్ క్లబ్ లో జరిగింది. ఇందులో హీరో అజిత్ తోపాటు అతని టీం సైతం పాల్గొంది.

CFP మాస్టర్ పురుషుల జట్టు, స్టాండర్డ్ పిస్టల్ మాస్టర్ పురుషుల జట్టు (NR), స్టాండర్డ్ పిస్టల్ మాస్టర్ పురుషుల జట్టు (ISSF), 50m FP మాస్టర్ పురుషుల టీమ్ ఈవెంట్ లో అజిత్ నాలుగు బంగారు పతకాలను గెలుచుకున్నాడు. అలాగే 50m FP పురుషుల జట్టు, స్టాండర్డ్ పిస్టల్ పురుషుల టీమ్ ఈవెంట్‌లలో రెండు కాంస్య పతకాలను సైతం సొంతం చేసుకున్నారు. అజిత్ గెలుచుకున్న గోల్డ్ మెడల్స్ గురించి.. ఆయనకు సంబంధించిన ఫోటోలను ప్రముఖ ఫిల్మ్ ట్రేడ్ అనలిస్ట్ మనోబాల ట్విట్టర్ వేదికగా షేర్ చేశారు. దీంతో అజిత్ కు నెట్టింట శుభాకాంక్షలు వెల్లువెత్తుతున్నాయి.

Ajith Kumar

వెండితెరపై ఎప్పటికీ స్టార్.. నిజ జీవితంలోనూ దూసుకుపోతున్నాడు.. కొందరు తెరపై హీరోలు.. కానీ ఆఫ్ స్క్రీన్ లో అజిత్ నిజమైన హీరో.. రేసింగ్ అయినా. షూటింగ్ అయినా ఆయనే నెంబర్ వన్ అంటూ అభిమానులు కామెంట్స్ చేస్తున్నారు. 50 ఏళ్ల వయసులో క్రీడలలో గోల్డ్ మేడల్స్ గెలుచుకోవడం పట్ల అజిత్ పై ప్రశంసలు కురిపిస్తున్నారు. అజిత్ చివరిసారిగా డైరెక్టర్ హెచ్ వినోద్ దర్శకత్వంలో వాలిమై సినిమాలో కనిపించాడు. ఇందులో టాలీవుడ్ యంగ్ హీరో కార్తికేయ ప్రతినాయకుడి పాత్రలో కనిపించగా.. ప్రముఖ నిర్మాత బోనీ కపూర్ నిర్మించారు.

మరిన్ని ఎంటర్టైన్మెంట్ వార్తల కోసం క్లిక్ చేయండి.