పోతరాజు నేపథ్యంలో మంచు మనోజ్ కొత్త సినిమా.. డైరెక్టర్ ఎవరంటే

మంచు మనోజ్ హీరోగా RPA క్రియేషన్స్‌లో బిగ్ బడ్జెట్ డివైన్ యాక్షన్ థ్రిల్లర్ తెరకెక్కుతుంది. ఈ సినిమా పోతరాజు నేపథ్యంలో తెరకెక్కుతోందని తెలుస్తుంది. ప్రేమకథా చిత్రం, ‘జక్కన్న’ చిత్రాల నిర్మాతల నుంచి ఈ ప్రతిష్టాత్మక చిత్రం తెరకెక్కనుంది. విభిన్నమైన కథలు, పవర్‌ఫుల్ పాత్రలతో ప్రేక్షకులను అలరిస్తున్న హీరో మంచు మనోజ్ మరో ఆసక్తికరమైన ప్రాజెక్ట్‌తో ప్రేక్షకుల ముందుకు రాబోతున్నారు. తెలంగాణ సంస్కృతి, సంప్రదాయాలు, పోతరాజు నేపథ్యంలో రూపొందనున్న ఈ బిగ్ బడ్జెట్ చిత్రాన్ని ‘డివైన్ యాక్షన్ థ్రిల్లర్’గా తెరకెక్కిస్తున్నారు. RPA క్రియేషన్స్ బ్యానర్‌పై రూపొందుతున్న ఈ చిత్రం ఆ సంస్థకు ప్రొడక్షన్ నం. 4.

బాబోయ్.. ఈ చిన్నది బయట ఎలా ఉందో చూశారా..! స్టార్ హీరోయిన్స్ కూడా కుళ్లుకోవాల్సిందే

‘ప్రేమకథా చిత్రం’, ‘జక్కన్న’ వంటి విజయవంతమైన చిత్రాలను నిర్మించిన R. P. అక్షిత రెడ్డి,  సుదర్శన్ రెడ్డి ఈ ప్రతిష్టాత్మక చిత్రాన్ని నిర్మిస్తున్నారు. బ్లాక్‌బస్టర్ డైరెక్టర్ పూరి జగన్నాథ్ వద్ద కో-డైరెక్టర్‌గా పనిచేసిన ఏ. శ్రీధర్ ఈ చిత్రానికి దర్శకత్వం వహిస్తున్నారు. దర్శకుడు ఈ సినిమా కోసం అత్యంత  పవర్ ఫుల్ కథను సిద్ధం చేశారు. ఇప్పటివరకు మంచు మనోజ్‌ను చూడని సరికొత్త అవతార్‌లో ఈ చిత్రంలో చూపించబోతున్నారు.

రజినీకాంత్‌కు జోడీగా 27 ఏళ్ల హీరోయిన్.. భారీ అంచనాలతో విడుదలై అట్టర్ ఫ్లాప్ అయిన సినిమా

పోతరాజు నేపథ్యంలో దైవిక అంశాలు, ఉత్కంఠభరితమైన కథనం, భారీ యాక్షన్ సన్నివేశాల సమ్మేళనంగా ఈ చిత్రాన్ని తెరకెక్కించనున్నారు. తెలంగాణ పండుగల వైభవం, సంప్రదాయాల నేపథ్యంతో రూపొందనున్న ఈ చిత్రం ప్రేక్షకులకు సరికొత్త సినిమాటిక్ అనుభూతిని అందించనుంది. ఈ చిత్రానికి ఎం. శ్రీకాంత్ రెడ్డి ఎగ్జిక్యూటివ్ ప్రొడ్యూసర్‌గా, ఆర్. ఆయుష్ రెడ్డి కో-ప్రొడ్యూసర్‌గా వ్యవహరిస్తున్నారు. ఈ ప్రతిష్టాత్మక చిత్రానికి సంబంధించిన టైటిల్, ఇతర నటీనటులు, సాంకేతిక నిపుణులు, షూటింగ్ తదితర వివరాలను చిత్రబృందం త్వరలోనే అధికారికంగా వెల్లడించనుంది.

ఇవి కూడా చదవండి

ఆ ఒక్క సినిమాతో అంతా మారిపోయింది.. అవకాశాలు తగ్గిపోయాయి

రాజన్న సినిమాలో నటించిన ఈ చిన్నది..

ఒకప్పుడు కుర్రాళ్ల కలల రాకుమారి..

యూట్యూబ్‌ను షేక్ చేస్తున్న ఫోక్ సాంగ్.

మహేష్ బాబు తర్వాత ఆ హీరో నటన అంటే నాకు చాలా ఇష్టం: సూపర్ స్టార్ కృష్ణ

మరిన్ని సినిమా వార్తల కోసం ఇక్కడ క్లిక్ చేయండి.