”అఫ్గాన్‌ క్రికెటర్‌తో నిశ్చితార్ధం రద్దు చేసుకున్నా”.. బిగ్ బాస్ బ్యూటీ సంచలన ప్రకటన..
ఎప్పుడూ ఏదొక వివాదాస్పద వ్యాఖ్యలు చేస్తూ తరచూ వార్తల్లో నిలుస్తోన్న బిగ్ బాస్ బ్యూటీ అర్షి ఖాన్ మరోసారి సంచలన వ్యాఖ్యలు చేసింది...
ఎప్పుడూ ఏదొక వివాదాస్పద వ్యాఖ్యలు చేస్తూ తరచూ వార్తల్లో నిలుస్తోన్న బిగ్ బాస్ బ్యూటీ అర్షి ఖాన్ మరోసారి సంచలన వ్యాఖ్యలు చేసింది. ఆఫ్గనిస్తాన్‌ను తాలిబన్లు వశం చేసుకోవడం వల్ల తన నిశ్చితార్ధం రద్దు చేసుకున్నానని వెల్లడించింది. ఈ ఏడాది అక్టోబర్‌లో ఆఫ్గనిస్తాన్ క్రికెటర్‌తో నిశ్చితార్ధం జరగాల్సి ఉందని.. కానీ ఆఫ్గాన్ దేశం తాలిబన్ల నియంత్రణలోకి రావడంతో అది కాస్తా రద్దయ్యిందని తెలిపింది. ఇటీవల మీడియాకు ఇచ్చిన ఇంటర్వ్యూలో అర్షి ఖాన్ తన పెళ్లికి సంబంధించిన కీలక విషయాలు వెల్లడించింది.
”ఈ ఏడాది అక్టోబర్‌లో ఆఫ్గాన్ క్రికెటర్‌తో నాకు నిశ్చితార్ధం జరగాల్సి ఉంది. అతన్ని మా నాన్నగారు ఎంపిక చేశారు. సదరు క్రికెటర్ మా నాన్నగారి స్నేహితుడు కుమారుడు. అయితే తాలిబన్లు ఆఫ్గాన్‌ను వశం చేసుకున్న తర్వాత నిశ్చితార్ధాన్ని రద్దు చేసుకున్నాం. మేమిద్దరం ఏకాభిప్రాయంతోనే ఈ నిర్ణయం తీసుకున్నాం. ఇప్పుడు మేము మంచి స్నేహితులుగా ఉన్నాం” అని స్పష్టం చేసింది.
”నా మూలాలు ఆఫ్ఘనిస్తాన్‌లో ఉన్నాయి. నేను అఫ్గనిస్తాన్‌ పఠాన్‌ను. నా కుటుంబం యూసుఫ్ జహీర్ పఠాన్ జాతికి చెందినది. నా తాత అఫ్ఘనిస్తాన్ నుంచి వలస వచ్చి భోపాల్‌లో జైలర్‌గా పని చేస్తున్నారు. నేను భారతీయ పౌరురాలినే” అని అర్షి ఖాన్ అన్నారు. కాగా, ఆఫ్గనిస్తాన్ దేశం తాలిబన్ల నియంత్రణలోకి వచ్చినప్పటి నుంచి అక్కడ పరిస్థితులు మరింతగా క్షీణించాయి. అంతర్జాతీయంగా వాణిజ్య వ్యాపార సంబంధాలు కూడా దెబ్బతిన్న సంగతి తెలిసిందే.