Bigg Boss Telugu 6: తండ్రిగా ప్రమోషన్‌ పొందనున్న స్టార్‌ సింగర్‌.. తన భార్యను మిస్ అవుతున్నానంటూ ఎమోషనల్‌
Singer Revanth: మనోహరి.. అంటూ బాహుబలి సినిమాలోని పాటతో స్టార్‌ సింగర్‌గా మారిపోయాడు రేవంత్‌. అంతకుముందు 2017లో ఇండియన్‌ ఐడల్‌-9లో పాల్గొని టైటిల్‌ విన్నర్‌గా నిలిచి దేశవ్యాప్తంగా గుర్తింపుతెచ్చుకున్నాడు.
Singer Revanth: మనోహరి.. అంటూ బాహుబలి సినిమాలోని పాటతో స్టార్‌ సింగర్‌గా మారిపోయాడు రేవంత్‌. అంతకుముందు 2017లో ఇండియన్‌ ఐడల్‌-9లో పాల్గొని టైటిల్‌ విన్నర్‌గా నిలిచి దేశవ్యాప్తంగా గుర్తింపుతెచ్చుకున్నాడు. 200కు పైగా సినిమాల్లో పాటలు పాడిన రేవంత్‌ తాజాగా బిగ్‌బాస్‌ సీజన్‌6లోకి అడుగుపెట్టాడు. కాగా హౌస్‌లోకి వెళ్లేముందు ఓ ఎమోషనల్‌ పోస్టును షేర్‌ చేసుకున్న ఈ స్టార్‌ సింగర్‌.. అందులో తన సతీమణిని మిస్ అవుతున్నట్లు రాసుకొచ్చాడు. కొన్ని నెలల క్రితం అన్విత అనే అమ్మాయితో కలిసి వైవాహిక బంధంలోకి అడుగుపెట్టాడు రేవంత్‌. ప్రస్తుతం అతని భార్య ఆరునెలల గర్భంతో ఉంది. ఈనేపథ్యంలో బిగ్‌బాస్‌ హౌస్‌లోకి అడుగుపెట్టిన రేవంత్‌ కాస్త ఎమోషనల్‌ అయ్యాడు. ‘నా భార్య ఇప్పుడు గర్భంతో ఉంది. ఇలాంటి సమయంలో తన పక్కన లేకుండా ఇక్కడకు రావడం కొంచెం బాధగా ఉంది’ అంటూ స్టేజిపైనే భావోద్వేగానికి గురయ్యాడు.
కాగా ఇదే సమయంలో అన్విత కూడా షోలో కనిపించి భర్తకు బెస్ట్‌ విషెస్‌ చెప్పింది. ఇదిలా ఉంటే త్వరలోనే అమ్మనాన్నలుగా ప్రమోషన్‌ పొందనున్న రేవంత్‌ దంపతులకు సోషల్‌ మీడియాలో శుభాకాంక్షలు వెల్లువెత్తుతున్నాయి. అంతా మంచే జరగాలంటూ ఫ్యాన్స్, నెటిజన్లు ఆకాంక్షిస్తూ పోస్టులు పెడుతున్నారు. రేవంత్‌ గతంలోనూ పలు టీవీ షోల్లోనూ పాల్గొన్నాడు. పాటలు పాడడంతో పాటు ఫన్‌ అందించడంలోనూ సక్సెస్‌ అయ్యాడు. మరి బిగ్‌బాస్‌షోలో అతను ఏ మేర వినోదం అందిస్తాడో లెట్స్ వెయిట్‌ అండ్‌ సీ.