Ram Charan: యంగ్ టైగర్ ప్రశ్నలకు రామ్ చరణ్ సమాధానాలు.. చెర్రీ గెలుచుకున్న అమౌంట్ ఎంతంటే..
యంగ్ టైగర్ ఎన్టీఆర్.. మరోసారి బుల్లితెరపై సత్తా చాటేందుకు సిద్ధమైన సంగతి తెలిసిందే. గతంలో బిగ్బాస్ రియాల్టీ షో ద్వారా బుల్లితెర
యంగ్ టైగర్ ఎన్టీఆర్.. మరోసారి బుల్లితెరపై సత్తా చాటేందుకు సిద్ధమైన సంగతి తెలిసిందే. గతంలో బిగ్బాస్ రియాల్టీ షో ద్వారా బుల్లితెర ప్రేక్షకులను అలరించిన యంగ్ టైగర్.. మరోసారి ఎవరు మీలో కోటీశ్వరుడు గేమ్ షో ద్వారా మరోసారి అభిమానులకు అలరించనున్నాడు. బాలీవుడ్ బిగ్బీ.. అమితాబ్ బచ్చన్ హిందీలో హోస్ట్ చేస్తున్న కౌన్ బనేగా కరోడ్ పతి గేమ్ షో మాదిరిగానే తెలుగులోనూ ఎవరు మీలో కోటీశ్వరుడు షో ఉండనుంది. అయితే గతంలో మీలో ఎవరు కోటీశ్వరుడు షోకు అక్కినేని నాగార్జున హోస్ట్ చేశారు. ఆ తర్వాత మెగాస్టార్ చిరంజీవి సైతం ఈ షోకు హోస్ట్గా వ్యవహరించారు. అయితే ఇప్పుడు జూనియర్ ఎన్టీఆర్ ఎవరు మీలో కోటీశ్వరుడు అంటూ బుల్లితెరపై సందడి చేయనున్నారు.
ఇదిలా ఉంటే.. జూనియర్ ఎన్టీఆర్ హోస్ట్గా ఈ షోకు ఫస్ట్ ఎపిసోడ్కు రామ్ చరణ్ రాబోతున్నాడని.. స్వాతంత్ర దినోత్సవం సందర్భంగా ఈ షో ప్రారంభం కానున్నట్లుగా గత కొన్ని రోజులుగా టాక్ వినిపిస్తోంది. తాజా సమాచారం ప్రకారం ఈ షోకు సంబంధించి ఆల్రెడీ 16 ఎపిసోడ్స్ పూర్తిచేసారట. అంతేకాదు.. ఆర్ఆర్ఆర్ ప్రమోషన్స్లో భాగంగా రామ్ చరణ్, ఎన్టీఆర్తో కలిసి ఓ స్పెషల్ ఎపిసోడ్ కూడా షూట్ చేసారట. అందులో చరణ్. ఎన్టీఆర్ అడిగిన ప్రశ్నలన్నింటికి సమాధానాలు చెప్పి.. రూ. 25 లక్షలను గెలుచుకున్నట్లుగా తెలుస్తోంది. ఎవరు మీలో కోటీశ్వరుడు క్విజ్ షో లో ప్రతీ సమాధానానికి ప్రైజ్ మనీ రెట్టింపు అవుతుందన్న సంగతి తెలిసిందే. చరణ్ తో షూట్ చేసిన ఈ స్పెషల్ ఎపిసోడ్ ని ఆగస్టు 16న టెలికాస్ట్ చేయనున్నారట. ఆ తర్వాత సాధారణ కంటెస్టెంట్స్ పాల్గొన్న ఎపిసోడ్స్ ను ప్రసారం చేయనున్నారు. ఇక ఈ షో కోసం 60 ఎపిసోడ్స్ కు ఎన్టీఆర్ ఏకంగా రూ. 10 కోట్లు తీసుకుంటున్నట్లుగా గతంలో వార్తలు వచ్చాయి. ఇప్పటికే 16 ఎపిసోడ్స్ పూర్తిగా.. మిగత ఎపిసోడ్స్.. ఆర్ఆర్ఆర్ సంబంధించి పెండింగ్లో ఉందట.
ప్రస్తుతం రామ్ చరణ్, ఎన్టీఆర్ కలిసి నటిస్తున్న ఆర్ఆర్ఆర్ సినిమాపై రోజూ రోజూకీ అంచనాలు భారీగానే పెరుగుతున్నాయి. జక్కన్న తెరకెక్కిస్తున్న ఈ మూవీలో బాలీవుడ్, హలీవుడ్ టాప్ స్టార్స్ కనిపించబోతున్నారు. ఈ సినిమాను అక్టోబర్ 13న ప్రేక్షకుల ముందుకు రాబోతున్నారు. ఇందులో రామ్ చరణ్.. రామరాజు పాత్రలో నటిస్తుండగా.. కొమురం భీమ్ గా తారక్ నటిస్తున్నారు.