రియాకు మద్దతిచ్చిన స్వర భాస్కర్‌.. ఆటాడేసుకుంటున్న నెటిజన్లు

Swara Bhasker supports Rhea: బాలీవుడ్‌ నటుడు సుశాంత్ అనుమానాదాస్పద మృతి కేసు రోజుకో మలుపు తిరుగుతోంది. ఈ కేసు రాజకీయంగానూ హాట్‌ టాపిక్‌గా మారింది. ఇదిలా ఉంటే ఈ కేసులో సుశాంత్ కుటుంబంతో పాటు పలువురు సన్నిహితులు నటి రియాపై ఆరోపణలు చేస్తున్నారు. సుశాంత్‌ జీవితంలో రియా ఆడుకుందని, ఆయనను హత్య చేసిందన్న విమర్శలు వినిపిస్తున్నాయి. ఇక సోషల్ మీడియాలో సైతం అరెస్ట్ రియా అంటూ నెటిజన్లు ట్వీట్ చేస్తున్నారు. ఈ నేపథ్యంలో రియా సుప్రీంను ఆశ్రయించింది.

సుశాంత్ కేసు విషయంలో మీడియా ‘అతి’గా ప్రవర్తిస్తోందని, తనను దోషిగా నిలిపేందుకు ప్రయత్నిస్తోందని ఆమె సుప్రీంలో పిటిషన్ దాఖలు చేశారు. ఈ విషయంలో బాలీవుడ్ మరో నటి స్వర భాస్కర్‌, రియాకు మద్దతు పలికారు. కొన్ని మీడియా సంస్థల పేర్లను మార్చి చెబుతూ.. సుశాంత్ కేసులో కావాలనే రియాను ఇరికిస్తున్నారంటూ స్వర ట్వీట్ చేశారు. అంతేకాదు దీనిపై న్యాయస్థానమే నిర్ణయాన్ని చెబుతుందంటూ అందులో పేర్కొన్నారు. ఇక స్వర భాస్కర్‌ ట్వీట్‌పై పలువురు నెగిటివ్ కామెంట్లు పెడుతున్నారు. బాలీవుడ్ మాఫియాలో స్వర కూడా భాగమని, సీబీఐ రియాను దోషిగా తేల్చినా, బాలీవుడ్‌ కాపాడుతుందంటూ నెటిజన్లు మండిపడుతున్నారు. అంతేకాదు సుశాంత్ కుటుంబంపై నిందలు వేస్తుంటే అప్పుడెందుకు మాట్లాడరంటూ కామెంట్లు చేస్తున్నారు.

Read This Story Also:  Covid 19: రేపే రష్యా వ్యాక్సిన్ విడుదల.. కానీ