Rajinikanth: రజనీ అభిమానులకు శుభవార్త..ఆస్పత్రి నుంచి డిశ్చార్జైన సూపర్‌ స్టార్..
రజనీకాంత్‌ అభిమానులకు శుభవార్త.. ఇటీవల అస్వస్థతకు గురై ఆస్పత్రిలో చేరిన తమిళ సూపర్‌ స్టార్ రజనీకాంత్‌ డిశ్చార్జి అయ్యారు.
రజనీకాంత్‌ అభిమానులకు శుభవార్త.. ఇటీవల అస్వస్థతకు గురై ఆస్పత్రిలో చేరిన తమిళ సూపర్‌ స్టార్ రజనీకాంత్‌ డిశ్చార్జి అయ్యారు. వైద్యుల సూచనల మేరకు ఆదివారం రాత్రి కుటుంబ సభ్యులు ఆయనను ఇంటికి తీసుకెళ్లారు. అయితే రజనీ ఆస్పత్రి నుంచి బయటకు రావడానికి ముందే తమిళనాడు ముఖ్యమంత్రి స్టాలిన్‌, నటుడు, మక్కల్‌ నీది మయ్యం పార్టీ అధినేత కమల్‌ హాసన్‌ సూపర్‌స్టార్‌ను పరామర్శించారు. స్టాలిన్‌ రజనీ బాగోగులను స్వయంగా అడిగి తెలుసుకున్నారు. త్వరగా కోలుకోవాలని ఆకాంక్షించారు.
సినీ కళామతల్లికి రజనీ చేసిన సేవలను గుర్తింపుగా భారత ప్రభుత్వం ఆయనను దాదాసాహెబ్‌ ఫాల్కే పురస్కారంతో గౌరవించిన సంగతి తెలిసిందే. అయితే ఆ వెంటనే అస్వస్థతకు గురైన సూపర్‌ స్టార్‌ను ఆయన కుటుంబ సభ్యులు చెన్నైలోని కావేరీ ఆస్పత్రిలో చేర్పించారు. దీంతో తమ అభిమాన నటుడికి ఏమైందోనని ఫ్యాన్స్‌ ఆందోళన చెందారు. రజనీకాంత్‌ మెదడు రక్తనాళాల్లో బ్లాక్స్‌ గుర్తించామని, అందుకు సరైన చికిత్స చేశామని వైద్యులు ప్రకటించిన సంగతి తెలిసిందే. దీంతో అభిమానులు ఊపిరి పీల్చుకున్నారు.
Also read: