లగ్జరీకి కేరాఫ్‌గా స్టార్ హీరోహీరోయిన్లు.. వాలెంటైన్స్ డే షాపింగ్‌కు వేసుకున్న కోటుపై లక్షల విలువైన పక్షి బొమ్మ

వాలంటైన్స్ డే సందర్భంగా తన ప్రియతమ భార్యతో కలిసి షాపింగ్ వెళ్ళిన ఆయన.. తన కోటుపై ఒక చిన్న ఆభరణాన్ని ధరించారు. దూరం నుంచి చూస్తే కేవలం అలంకరణలా అనిపించే ఆ వస్తువు అసలు ధర తెలిస్తే మాత్రం సామాన్యుల గుండె ఆగిపోవాల్సిందే. ఒక లగ్జరీ కారు లేదా ఒక మధ్యతరగతి ఇల్లు కొనేంత ఖరీదు చేసే ఆ చిన్న బ్రూచ్ ఇప్పుడు సోషల్ మీడియాలో హాట్ టాపిక్ గా మారింది. ప్రపంచ ప్రఖ్యాత బ్రాండ్ కు చెందిన ఆ అత్యంత అరుదైన ఆభరణం విశేషాలేంటి? నల్లటి దుస్తుల్లో మెరిసిపోయిన ఈ నవాబీ జంట షాపింగ్ హంగామా గురించి మరింత వివరంగా తెలుసుకుందాం..

వాలంటైన్స్ డే షాపింగ్..

వాలంటైన్స్ డే కి ముందు ముంబైలోని ప్రఖ్యాత ‘టిఫనీ & కో’ (Tiffany & Co.) బూటీక్‌లో సైఫ్ అలీ ఖాన్, కరీనా కపూర్ జంట సందడి చేశారు. షాపింగ్ ముగించుకుని బయటకు వస్తున్న సమయంలో కరీనా చేతిలో ఒక టిఫనీ బ్యాగ్ కనిపించగా, సైఫ్ అలీ ఖాన్ తన కోటుపై ఒక అద్భుతమైన బ్రూచ్ ధరించి కనిపించారు. నల్లటి దుస్తుల్లో ఉన్న సైఫ్ లుక్ కు ఆ మెరుస్తున్న బ్రూచ్ ఒక రాయల్ టచ్ ఇచ్చింది. విక్రమ్ వేద హీరో ఫ్యాషన్ సెన్స్ కు నెటిజన్లు ఫిదా అవుతున్నారు.

42 లక్షల రూపాయల బ్రూచ్..

సైఫ్ అలీ ఖాన్ ధరించిన ఈ బ్రూచ్ అత్యంత ఖరీదైనది. ఇది ‘టిఫనీ & కో’ లోని జీన్ షలంబర్గర్ కలెక్షన్‌కు చెందినది. దీని ధర అంతర్జాతీయ మార్కెట్లో సుమారు 47,000 డాలర్లు, అంటే మన భారతీయ కరెన్సీలో అక్షరాలా రూ. 42.4 లక్షలు. ఇది కేవలం ఒక డిజైన్ మాత్రమే కాదు, విలువైన లోహాలు, రత్నాల మిశ్రమం. 18 క్యారెట్ల పసుపు బంగారం, ప్లాటినంతో తయారు చేసిన ఈ బ్రూచ్ పై ఒక పక్షి డిజైన్ ఉంటుంది. ఇందులో 71 రౌండ్ డైమండ్స్ పొదిగి ఉండటం విశేషం.

Saif And Wife With Bird Diamomd

ఈ బ్రూచ్ ప్రత్యేకతలు ఇక్కడితో ఆగిపోలేదు. పక్షి కన్ను స్థానంలో ఒక ఎర్రటి రూబీ (కెంపు) అమర్చారు. అలాగే పక్షి కింద ఒక పెద్ద కుషన్ ఆకారపు సిట్రైన్ రత్నం మెరుస్తూ ఉంటుంది. ప్రతి డైమండ్ సుమారు 3 క్యారెట్ల బరువు ఉండగా, ఆ పెద్ద సిట్రైన్ రత్నం ఏకంగా 55 క్యారెట్ల బరువు ఉంటుంది. మొత్తం ఆభరణం బరువు 40.3 గ్రాములు. ఇంతటి విలువైన రత్నాలు, బంగారం ఉండటం వల్లే దీనికి అంత భారీ ధర ఉంది. ఒక పురుషుడు ఇంతటి ఖరీదైన ఉమెన్ యాక్సెసరీని ఎంతో స్టైలిష్ గా క్యారీ చేయడం సైఫ్ కే చెల్లింది.

ఈ షాపింగ్ ట్రిప్ కోసం సైఫ్ అలీ ఖాన్ బ్లాక్ స్ట్రెయిట్ ప్యాంట్లు, మ్యాచింగ్ టీ షర్ట్, పైన ఒక టైలర్డ్ బ్లేజర్ ధరించారు. నలుపు రంగు దుస్తుల మీద ఆ డైమండ్ బ్రూచ్ ఎంతో ప్రకాశవంతంగా కనిపించింది. దానికి తోడు బ్లాక్ షూస్, సన్ గ్లాసెస్ ఆయన పర్సనాలిటీని మరింత హుందాగా మార్చేశాయి. ఇక కరీనా కపూర్ క్లాసిక్ బ్లాక్ డ్రెస్ లో ఎంతో అందంగా కనిపించారు.

ఆమె తన జుట్టును వదిలేసి, మెడలో ఒక డైమండ్ నెక్లెస్, చెవిపోగులు, బ్రాస్లెట్ తో ఎంతో చిక్ గా కనిపించారు. బ్లాక్ స్టిలెట్టోస్ ఆమె అందాన్ని రెట్టింపు చేశాయి. నవాబీ వారసత్వాన్ని తన ఫ్యాషన్ లోనూ చూపిస్తూ, సైఫ్ అలీ ఖాన్ మరోసారి వార్తల్లో నిలిచారు. 42 లక్షల రూపాయల విలువైన ఆ బ్రూచ్ ఆయన లగ్జరీ లైఫ్ స్టైల్ కు అద్దం పడుతోంది. ఖరీదైన వస్తువులను ధరించడంలోనే కాదు, వాటిని ఎలా ప్రదర్శించాలో కూడా సైఫ్ కు బాగా తెలుసని ఈ లుక్ నిరూపించింది.