నిన్ను జీవితాంతం ప్రేమిస్తుంటా: సుశాంత్‌పై రియా ఎమోషనల్ పోస్ట్
బాలీవుడ్ నటుడు సుశాంత్ సింగ్ రాజ్‌ఫుత్ మరణించి ఇవాళ్టికి సరిగ్గా నెల రోజులు అవుతోంది. గత నెల 14న ముంబయిలోని తన అపార్ట్‌మెంట్‌లో సుశాంత్ ఆత్మహత్య చేసుకుని తనువు చాలించారు.
బాలీవుడ్ నటుడు సుశాంత్ సింగ్ రాజ్‌ఫుత్ మరణించి ఇవాళ్టికి సరిగ్గా నెల రోజులు అవుతోంది. గత నెల 14న ముంబయిలోని తన అపార్ట్‌మెంట్‌లో సుశాంత్ ఆత్మహత్య చేసుకుని తనువు చాలించారు. అయితే ఆయన మృతిని అటు సన్నిహితులు, ఇటు అభిమానులు ఇంకా జీర్ణించుకోలేకపోతున్నారు. ఈ క్రమంలో సుశాంత్ గర్ల్‌ఫ్రెండ్‌, నటి రియా చక్రవర్తి తన సోషల్ మీడియాలో ఓ భావోద్వేగ పోస్ట్‌ను పెట్టారు.
”నా భావోద్వేగాలను నియంత్రించుకోవడానికి ప్రయత్నిస్తున్నా. నా హృదయంలో ఎవరూ పూరించని శూన్యత నెలకొంది. ప్రేమ మీద నువ్వు నాకు నమ్మకాన్ని కలిగించావు. ఓ చిన్న మ్యాథమేటికల్ ఈక్వెషన్‌ ద్వారా మన జీవితాన్ని అర్థం చేసుకునే విధానాన్ని నువ్వు నాకు నేర్పించావు. నేను నీ దగ్గర రోజు నేర్చుకుంటా అని ప్రామిస్ చేశా. నువ్వు లేవన్న విషయాన్ని నేను మాటల్లో చెప్పలేను. ఇప్పుడు నువ్వు చాలా ప్రశాంతమైన ప్రదేశంలో ఉన్నావని అనుకుంటున్నా. చంద్రుడు, నక్షత్రాలు, గెలాక్సీ ఒక గొప్ప భౌతిక శాస్త్రవేత్తకు సాదరంగా స్వాగతం పలికి ఉంటాయి. నిన్ను మళ్లీ నా దగ్గరకు పంపాలని నేను కోరుకుంటా.
నువ్వు చాలా అందమైన వ్యక్తివి. ప్రపంచం చూసిన ఓ అద్భుతానివి. మన మధ్య ఉన్న ప్రేమను చెప్పేందుకు నాకు మాటలు సరిపోవడం లేదు. మన మధ్య ఉన్న ప్రేమను నువ్వు కూడా నాకు చాలా సార్లు చెప్పావు. ప్రశాంతంగా ఉండు సుశీ. నిన్ను కోల్పోయి 30 రోజులు అవుతుంది. కానీ జీవితాంతం నిన్ను ప్రేమిస్తుంటా” అని కామెంట్ పెట్టారు. ఈ సందర్భంగా సుశాంత్‌తో తాను తీసుకున్న ఫొటోలను రియా ఇన్‌స్టాలో పోస్ట్ చేసింది.