Ranga Ranga Vaibhavanga: దసరాకు ఓటీటీలో సందడి చేయనున్న రంగ రంగ వైభవంగా.. స్ట్రీమింగ్ ఎక్కడంటే..

Ranga Ranga Vaibhavanga

మొదటి సినిమాతోనే బ్లాక్ బస్టర్ హిట్ అందుకున్నాడు మెగా హీరో వైష్ణవ్ తేజ్. అంతేకాకుండా ఫస్ట్ మూవీతోనే నటనపరంగా ప్రశంసలు అందుకున్న ఈ హీరో.. ఆ తర్వాత కొండపొలం సినిమాతో ఆడియన్స్ ముందుకు వచ్చారు. డైరెక్టర్ క్రిష్ తెరకెక్కించిన ఈ సినిమాకు మిశ్రమ స్పందన వచ్చింది. ఇందులో వైష్ణవ్ సరసన రకుల్ కథానాయికగా నటిచంది. ఇక ఈ మూవీ అనంతరం రంగ రంగా వైభవంగా (Ranga Ranga Vaibhavanga) సినిమాతో అలరించారు. సెప్టెంబర్ 2న విడుదలైన ఈ సినిమాకు మిశ్రమ స్పందన వచ్చింది. డైరెక్టర్ గిరీశాయ దర్శకత్వం వహించిన ఈ మూవీలో కేతిక శర్మ హీరోయిన్‏గా నటిచింది. ఈ మూవీలో వైష్ణవ్, కేతికల కెమిస్ట్రీ బాగున్నప్పటికీ అనుకున్నంత స్థాయిలో మాత్రం హిట్ కాలేకపోయింది. ఇక ఇప్పుడు ఈ సినిమా ఓటీటీలో అలరించేందుకు సిద్ధమయ్యింది.

తాజా సమాచారం ప్రకారం ఈ సినిమా ఓటీటీ రైట్స్‏ను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుందట. అంతేకాకుండా దసర పండగ సందర్భంగా ఈ మూవీని స్ట్రీమింగ్ చేసేందుకు సన్నహాలు చేస్తున్నట్లుగా టాక్ వినిపిస్తోంది. అక్టోబర్ 5 లేదా 7 నుంచి ఈ మూవీ నెట్ ఫ్లిక్స్ లో స్ట్రీమింగ్ కానుందని సమాచారం. అయితే ఇప్పటికీ ఎలాంటి అధికారిక ప్రకటన లేదు. కానీ త్వరలోనే దీనిపై అఫీషియల్ అనౌన్స్‏మెంట్ రానుందని తెలుస్తోంది. మరోవైపు కార్తికేయ 2 సినిమా ఓటీటీ స్ట్రీమింగ్ డేట్ పై బజ్ కొనసాగుతుంది. తర్వలోనే ఈ మూవీ స్ట్రీమింగ్ కానుందని టాక్ వినిపిస్తోంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.