Premalu OTT: ప్రేమలు తెలుగు వెర్షన్ ఓటీటీ రిలీజ్ డేట్ వచ్చేసింది.. ఆహాలో ఎప్పుడు చూడొచ్చంటే..

Premalu Movie

చిన్న సినిమాగా ఎలాంటి అంచనాలు లేకుండా విడుదలై భారీ విజయాన్ని అందుకున్న సినిమా ‘ప్రేమలు’. మలయాళంలో సూపర్ హిట్ అయిన ఈ సినిమాను తెలుగులో డైరెక్టర్ రాజమౌళి తనయుడు కార్తీకేయ రిలీజ్ చేసిన సంగతి తెలిసిందే. మార్చి 8న తెలుగులో విడుదలైన ఈ సినిమా ప్రేక్షకులను ఆకట్టుకుంది. మలయాళీ నటీనటులు నస్లెన్ కె గపూర్, మ్యాథ్యూ థామస్, మమితా బైజు ప్రధాన పాత్రలు పోషించిన ఈ చిత్రానికి గిరీష్ ఎ.డి దర్శకత్వం వహించారు. యూత్ ఫుల్ లవ్ ఎంటర్టైనర్ గా హైదరాబాద్ నేపథ్యంలో రూపొందిన ఈ సినిమా యువతను విశేషంగా ఆకట్టుకుంది. ఈ సినిమాతో హీరోయిన్ మమితా బైజుకు మంచి క్రేజ్ వచ్చింది. తెలుగులో ఈ బ్యూటీకి ఫాలోయింగ్ ఏర్ప్డింది. ఇక థియేటర్లలో అలరించిన ఈసినిమా ప్రముఖ ఓటీటీ ప్లాట్ ఫామ్ డిస్నీ ప్లస్ హాట్ స్టార్ లో స్ట్రీమింగ్ కానుంది. ఇప్పటికే ఈ విషయంపై అఫీషియల్ అనౌన్స్మెంట్ కూడా వచ్చింది. ఏప్రిల్ 12 నుంచి ఈ మూవీ స్ట్రీమింగ్ కానుందని అధికారికంగా వెల్లడిస్తూ కొత్త పోస్టర్ కూడా రిలీజ్ చేశారు. ఈ ప్రేమ మరింత వైరల్ అవుతుంది అంటూ క్యాప్షన్ ఇచ్చింది.

ఇదిలా ఉంటే.. ఇప్పుడు ఈసినిమా మరో ఓటీటీలోకి వచ్చేస్తుంది. డిస్నీ ప్లస్ హాట్ స్టార్ తోపాటు.. ప్రముఖ ఓటీటీ ప్లాట్ ఫామ్ ఆహాలోనూ ఈ మూవీ స్ట్రీమింగ్ కానుంది. ఏప్రిల్ 12 నుంచి ఈ మూవీ అందుబాటులోకి రానుందని మేకర్స్ అనౌన్స్ చేశారు. అయితే మలయాళీ వెర్షన్ హాట్ స్టార్ లో స్ట్రీమింగ్ కానుండగా.. తెలుగు వెర్షన్ ఆహాలో అందుబాటులో ఉండనుంది.

ఈ చిత్రాన్ని భావనా స్టూడియోస్ బ్యానర్ పై ఫహద్ ఫాజిల్, దిలీప్ పోతన్, శ్యామ్ పుష్కరన్ సంయుక్తంగా నిర్మించారు. ఈ చిత్రానికి విష్ణు విజయ్ సంగీతం సమకూర్చారు. ఇన్నాళ్లు థియేటర్లలో ఈలవ్ స్టోరీని మిస్ అయిన వారు ఇప్పుడు ఆహాలో ఈ మూవీని చేసేయ్యోచ్చు.

మరిన్ని సినిమా వార్తల కోసం ఇక్కడ క్లిక్ చేయండి.