దీపావళి స్పెషల్.. ఈ వారం ఓటీటీలో సినిమాల సందడి.. ఆ రెండు మూవీస్ అసలు మిస్ అవ్వకండి
వీకెండ్ వచ్చిందంటే చాలు ఓటీటీల్లో సినిమాలు తెగ సందడి చేస్తున్నాయి. థియేటర్స్ లో కొత్త సినిమాలు ప్రేక్షకులను అలరిస్తుంటే .. ఓటీటీల్లో కొన్ని సినిమాలు ప్రేక్షకులను ఆకట్టుకుంటున్నాయి. ఈ క్రమంలోనే దీపావళి స్పెషల్ గా కొన్ని సినిమాలు ఓటీటీలోకి వచ్చాయి .
థియేటర్లలో కొత్త సినిమాలు సందడి చేస్తుంటే.. మరోవైపు ఓటీటీ వేదికలు కూడా ప్రేక్షకులను అలరించేందుకు సిద్ధమయ్యాయి. ప్రతి వారం మాదిరిగానే నవంబర్ మొదటి వారంలోనూ పలు ఆసక్తికరమైన సినిమాలు, వెబ్‌సిరీస్‌లు డిజిటల్ ప్లాట్‌ఫామ్స్‌లోకి వచ్చేశాయి. ఈసారి దీపావళి స్పెషల్ గా కొన్ని సినిమాలు ఓటీటీలో అలరించడానికి రెడీ అయ్యాయి. ఆ సినిమాలు ఏంటంటే ముఖ్యంగా తెలుగు ప్రేక్షకుల కోసం కొన్ని కొత్త సినిమాలు డబ్బింగ్ రూపంలో అందుబాటులోకి వచ్చాయి. మరికొన్ని ప్రాంతీయ భాషా చిత్రాలు కూడా స్ట్రీమింగ్ అవుతున్నాయి. నవంబర్ 2 నుంచి 8వ తేదీ వరకు నెట్‌ఫ్లిక్స్, అమెజాన్ ప్రైమ్ వీడియో, జియోహాట్‌స్టార్, సోనీలివ్, జీ5, సన్‌నెక్స్ట్ వంటి ఓటీటీ వేదికల్లో విడుదలైన కొత్త సినిమాలు, వెబ్‌సిరీస్‌ల వివరాలు ఇప్పుడు తెలుసుకుందాం. దుల్కర్ సల్మాన్ ప్రధాన పాత్రలో నటించిన మలయాళ చిత్రం ‘ఐయామ్ గేమ్’ ఇప్పుడు ఓటీటీలోకి వచ్చేసింది. ఈ సినిమాలో కయాదు లోహర్ కథానాయికగా నటించగా.. ఆంటోనీ వర్గీస్, మిస్కిన్ తదితరులు కీలక పాత్రలు పోషించారు. నహాస్ హిదాయత్ దర్శకత్వం వహించిన ఈ సినిమా నవంబర్ 6 నుంచి జియోహాట్‌స్టార్‌లో స్ట్రీమింగ్ అవుతోంది. తెలుగు, హిందీ, తమిళ, కన్నడ, మలయాళ భాషల్లో అందుబాటులో ఉంది.
లగడపాటి విక్రమ్ సహిదేవ్, సంధ్య, తారక్ పొన్నప్ప ప్రధాన పాత్రల్లో నటించిన తెలుగు చిత్రం ‘అనకాపల్లి’. ఖగేశ్ తమ్మినేని దర్శకత్వం వహించిన ఈ సినిమాకు త్రినాథరావు నక్కిన కథ అందించారు. థియేటర్లలో విడుదలైన ఈ చిత్రం నవంబర్ 3 నుంచి సన్‌నెక్స్ట్ ఓటీటీలో అందుబాటులోకి వచ్చింది. ప్రియమణి, అర్జున్ రాంపాల్ తదితరులు కీలక పాత్రల్లో నటించిన ‘బ్లైండ్ గేమ్’ సినిమా ఓటీటీలోకి వచ్చేసింది. క్రైమ్, థ్రిల్లర్ అంశాలతో తెరకెక్కిన ఈ చిత్రం నవంబర్ 4 నుంచి జీ5లో స్ట్రీమింగ్ అవుతోంది. దీపావళి నేపథ్యంలో తెరకెక్కిన హిందీ చిత్రం ‘దిల్వాలీ దివాలీ’ నెట్‌ఫ్లిక్స్‌లోకి వచ్చేసింది. నవంబర్ 5 నుంచి ఈ సినిమా స్ట్రీమింగ్ అవుతోంది.
అక్షయ్ కుమార్, సైఫ్ అలీఖాన్ ప్రధాన పాత్రల్లో నటించిన హిందీ చిత్రం ‘హైవాన్’ ఈ వారం ఓటీటీలోకి వచ్చింది. నవంబర్ 6 నుంచి సోనీలివ్‌లో స్ట్రీమింగ్ అవుతోంది. తమిళంలో రూపొందిన ‘మీశయ మురుక్కు 2’ సినిమా కూడా ఓటీటీ ప్రేక్షకుల ముందుకు వచ్చింది. నవంబర్ 6 నుంచి సోనీలివ్‌లో స్ట్రీమింగ్ అవుతోంది. తమిళంతో పాటు తెలుగు డబ్బింగ్ వెర్షన్‌లోనూ అందుబాటు ఉంది. తమిళ చిత్రం ‘నూరుకోడి వానవిల్’ కూడా ఈ వారం డిజిటల్ ప్రేక్షకులను పలకరించింది. నవంబర్ 6 నుంచి జీ5లో అందుబాటులోకి వచ్చింది. సందీప్ సరోజ్, కేయురి ప్రధాన పాత్రల్లో నటించిన ‘బాలు అండ్ గీత’ ఈటీవీ విన్‌లోకి వచ్చింది. ప్రతాప్ కొల్లారెడ్డి దర్శకత్వం వహించిన ఈ చిత్రాన్ని అన్నపూర్ణ స్టూడియోస్ పతాకంపై సుప్రియ యార్లగడ్డ నిర్మించారు. నవంబర్ 5 నుంచి ఈటీవీ విన్‌లో స్ట్రీమింగ్ అవుతోంది. హాలీవుడ్ యానిమేషన్ చిత్రాలను ఇష్టపడే చిన్నారులు, కుటుంబ ప్రేక్షకుల కోసం ‘మినియన్స్ అండ్ మాన్‌స్టర్స్’ అందుబాటులోకి వచ్చింది. నవంబర్ 2 నుంచి జియోహాట్‌స్టార్‌లో స్ట్రీమింగ్ అవుతోంది. నెట్‌ఫ్లిక్స్‌లో ఈ వారం విడుదలైన మరో ఆసక్తికరమైన చిత్రం ‘ఏ డాగ్స్ పర్ఫెక్ట్ క్రిస్మస్’. నవంబర్ 4 నుంచి స్ట్రీమింగ్ అవుతోంది. ఇంగ్లీష్‌తో పాటు తెలుగు డబ్బింగ్ వెర్షన్‌లోనూ అందుబాటులో ఉంది.
నిజ జీవిత ఘటనల ఆధారంగా రూపొందిన డాక్యుమెంటరీలను ఇష్టపడేవారికి ‘టేకెన్: నటాలీ హాలోవే’ అందుబాటులో ఉంది. నవంబర్ 4 నుంచి నెట్‌ఫ్లిక్స్‌లో స్ట్రీమింగ్ అవుతోంది. అమెజాన్ ప్రైమ్ వీడియోలో ఈ వారం విడుదలైన వెబ్‌సిరీస్ ‘ది గ్రేటెస్ట్’. నవంబర్ 4 నుంచి స్ట్రీమింగ్ అవుతోంది. ఇంగ్లీష్‌తో పాటు తెలుగు వెర్షన్‌లోనూ అందుబాటులో ఉంది. యువతను ఆకట్టుకునే కథాంశంతో రూపొందిన ‘క్యాంపస్ డ్రైవర్స్’ కూడా ఈ వారం అమెజాన్ ప్రైమ్ వీడియోలోకి వచ్చింది. నవంబర్ 6 నుంచి స్ట్రీమింగ్ అవుతోంది. నెట్‌ఫ్లిక్స్‌లో ఈ వారం విడుదలైన మరో ఆసక్తికరమైన వెబ్‌సిరీస్ ‘బ్లాక్ డవ్స్’. రెండో సీజన్ నవంబర్ 5 నుంచి స్ట్రీమింగ్ అవుతోంది. నెట్‌ఫ్లిక్స్‌లో నవంబర్ 5 నుంచి ‘నార్త్ ఆఫ్ ది నార్త్’ రెండో సీజన్ అందుబాటులోకి వచ్చింది.
అమెజాన్ ప్రైమ్ వీడియో:
ది గ్రేటెస్ట్ – వెబ్‌సిరీస్
క్యాంపస్ డ్రైవర్స్ – వెబ్‌సిరీస్
ది వ్వాన్ – హిందీ సినిమా
నెట్‌ఫ్లిక్స్:
దిల్వాలీ దివాలీ – హిందీ సినిమా
ఏ డాగ్స్ పర్ఫెక్ట్ క్రిస్మస్ – ఇంగ్లీష్/తెలుగు సినిమా
టేకెన్: నటాలీ హాలోవే – ఇంగ్లీష్/తెలుగు డాక్యుమెంటరీ
బ్లాక్ డవ్స్ సీజన్ 2 – వెబ్‌సిరీస్
నార్త్ ఆఫ్ ది నార్త్ సీజన్ 2 – వెబ్‌సిరీస్
బాస్ ఎక్స్ మషీనా – యానిమేటెడ్ సిరీస్
జియోహాట్‌స్టార్:
ఐయామ్ గేమ్ – తెలుగు, హిందీ, తమిళ, కన్నడ, మలయాళం
మినియన్స్ అండ్ మాన్‌స్టర్స్ – ఇంగ్లీష్/తెలుగు
సోనీలివ్:
హైవాన్ – హిందీ సినిమా
మీశయ మురుక్కు 2 – తమిళం/తెలుగు
జీ5:
బ్లైండ్ గేమ్ – హిందీ సినిమా
నూరుకోడి వానవిల్ – తమిళ సినిమా
సన్‌నెక్స్ట్:
అనకాపల్లి – తెలుగు సినిమా
ఈటీవీ విన్:
బాలు అండ్ గీత – తెలుగు సినిమా
మరిన్ని సినిమా వార్తల కోసం ఇక్కడ క్లిక్ చేయండి