Vivaha Bhojanambu: కడుపుబ్బ నవ్వేందుకు సిద్ధమవ్వండి అంటున్న వివాహ భోజనంబు టీం.. విడుదల ఎప్పుడంటే…

Sathya

ఇప్పటివరకు కమెడియన్‏గా ప్రేక్షకులను అలరించిన హాస్యనటుడు సత్య తాజాగా హీరోగా మారిపోయాడు. సత్య ప్రధాన పాత్రలో నటిస్తున్న లెటేస్ట్ సినిమా వివాహ భోజనంబు. ఈ చిత్రానికి రామ్ అబ్బరాజు దర్శకత్వం వహిస్తున్నాడు. ఇందులో సత్య సరసన ఆర్జావీ రాజ్ హీరోయిన్‏గా నటిస్తుండగా.. యంగ్ హీరో సందీప్ కిషన్ కీలక పాత్రలో నటిస్తున్నాడు. లాక్‌డౌన్‌ ఇతివృత్తంగా సాగే కథతో రూపొందించిన ఈ సినిమా ఇప్పటికే షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ పనులు జరుపుకుంటుంది.

ఈ క్రమంలో ఈ మూవీ విడుదల తేదీని ప్రకటించింది చిత్రయూనిట్.. ఫుల్ కామెడీ ఎంటర్‏టైనర్‏గా రానున్న ఈ సినిమా ఆగస్ట్ సోని లివ్ 27న ఓటీటీలో స్ట్రీమింగ్ కానుంది. కరోనా సమాయంలో పెళ్లి చేసుకున్న ఓ పిసినారి యువకుడి కథ వినోదాత్మకంగా తెరకెక్కించారు. లాక్ డౌన్ పెట్టడంతో 21 రోజుల పాటు ఇంటికి వచ్చిన బంధువులను పోషించడానికి ఎలాంటి కష్టాలు పడ్డాడు ? వాళ్ళని బయటకు పంపించడానికి ఏమేమి ప్లాన్స్ వేశాడు ? అనేది ఫన్నీగా చూపించనున్నారు. ఆనంది ఆర్ట్స్ సోల్జర్స్ ఫ్యాక్టరీ వెంకటాద్రి టాకీస్ సమర్పణలో కేఎస్ శినీష్ సందీప్ కిషన్ ఈ చిత్రాన్ని నిర్మించారు. ఇందులో సుదర్శన్‌, శ్రీకాంత్‌ అయ్యంగార్‌, వైవా హర్ష, శివన్నారాయణ, టీఎన్‌ఆర్‌ ముఖ్య పాత్రలలో నటించారు. మణికందన్ సినిమాటోగ్రఫీ అందించిన ఈ సినిమాకు చోటా కె ప్రసాద్ ఎడిటింగ్ వర్క్ చేశారు. అనివీ సంగీతం అందించగా.. తెలుగుతో పాటు మలయాళం, తమిళం మరియు కన్నడలో కూడా అందుబాటులో ఉంటుంది.

ట్వీట్..

Also Read: RRR Movie: హైదరాబాద్ చేరుకున్న ఆర్ఆర్ఆర్ బ్రదర్స్.. ఫోటోస్ వైరల్..

Naveen Polishetty: మరో ప్రాజెక్ట్‏కు నవీన్ పోలిశెట్టి గ్రీన్ సిగ్నల్, డైరెక్టర్ ఎవరంటే..

Gangubai Kathiawadi case: ఆలియా భట్, సంజయ్‌ లీలా భన్సాలీకి ఊరట.. ‘గంగుబాయి కఠియావాడి’ కేసులో మధ్యంతర స్టే విధించిన బాంబే హైకోర్టు..

Indraganti Mohan Krishna: నిర్మాతగా మారనున్న మరో దర్శకుడు.. ఇంద్రగంటి ఎవరితో సినిమా చేస్తున్నారో తెలుసా..?