Fauzi Movie: ప్రభాస్ బర్త్ డేకు అదిరిపోయే ట్రీట్.. ఫౌజీ అప్డేట్ ఇచ్చిన నిర్మాత..
"దొంగ నా కొడుకు" టీజర్ విడుదల కార్యక్రమంలో మైత్రీ మూవీ మేకర్స్ అధినేత రవి శంకర్ మాట్లాడుతూ నవంబర్ 13న చిత్రం విడుదలవుతుందని తెలిపారు. మౌళి నటన, కామెడీ సినిమాకు ప్రధాన బలం అన్నారు. ప్రభాస్ "ఫౌజీ" చిత్రంపై చిన్న వీడియో, రామ్ చరణ్ 17వ సినిమా పూజ అక్టోబర్ 26 లేదా 27న ఉంటుందని ప్రకటించారు.
మైత్రీ మూవీ మేకర్స్ బ్యానర్‌పై నవీన్ ఎర్నేని, వై. రవి శంకర్ నిర్మాణంలో తెరకెక్కుతున్న “దొంగ నా కొడుకు” చిత్రం టీజర్ విడుదల కార్యక్రమం సినీ వర్గాలలో ఆసక్తిని రేకెత్తించింది. ఈ సందర్భంగా నిర్మాత వై. రవి శంకర్ మాట్లాడుతూ, ఈ చిత్రం నవంబర్ 13న ప్రపంచవ్యాప్తంగా విడుదలవుతుందని అధికారికంగా ప్రకటించారు. చిల్డ్రన్స్ డేకి ముందు విడుదల కావడంతో ఈ సినిమాకు మంచి ఆదరణ లభిస్తుందని, భారీ విజయం సాధిస్తుందని ఆయన నమ్మకం వ్యక్తం చేశారు. దర్శకుడు శ్రీను కంబాల రూపొందించిన కథ హాస్యాన్ని ప్రధానంగా నిలుపుకుంటుందని, కథ వినగానే చాలా సంతోషించామని తెలిపారు. యువ కథానాయకుడు మౌళి తన క్యారెక్టరైజేషన్‌తో సినిమా అంతటా ప్రేక్షకులను అలరిస్తారని, టైటిల్‌కు తగ్గట్లుగా అతను చేసే అల్లరి చిల్లరి పనులు సరదాగా ఉంటాయని పేర్కొన్నారు. “లిటిల్ హార్ట్స్” తర్వాత మౌళి సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారని చెప్పారుమైత్రీ మూవీ మేకర్స్ సంస్థ విభిన్నమైన జోనర్‌లలో సినిమాలు నిర్మిస్తూ వస్తోంది. రవి శంకర్ మాట్లాడుతూ, “ఇదివరకు ఒక ఎమోషనల్ సినిమా అయ్యింది. ఇమ్మీడియట్‌గా విడుదలైన రణబలి ఒక చరిత్ర, ఒక ధీరుడి కథ అయ్యింది. అలాగే నెక్స్ట్ ఈ ఫ్రైడే విడుదలయ్యే 401 ఒక హారర్ కథ. ఆ లెక్కన వెంటనే విడుదల చేసే దొంగ నా కొడుకు ఒక ఎంటర్టైన్మెంట్ కథ. ఇలా డిఫరెంట్ జోనర్స్ సినిమాలు వరుసనే అలా రావటం మా సంస్థలో కూడా చాలా ఆనందంగా ఉంది. అంటే అన్ని రకాల జోనర్లను టచ్ చేస్తున్నాం” అని తమ నిర్మాణ సంస్థ వైవిధ్యాన్ని నొక్కి చెప్పారు. “దొంగ నా కొడుకు” థియేటర్లలో పెద్ద విజయం సాధిస్తుందని, ప్రేక్షకులు తప్పకుండా చూడాలని కోరారు.
ఈవెంట్ సందర్భంగా మీడియా ప్రతినిధులు, ప్రభాస్ నటిస్తున్న “ఫౌజీ”, రామ్ చరణ్ 17వ సినిమా గురించిన అప్‌డేట్‌ల కోసం రవి శంకర్‌ను అడిగారు. దీనిపై స్పందిస్తూ, అక్టోబర్ 23న ప్రభాస్ పుట్టినరోజు సందర్భంగా “ఫౌజీ” సినిమా కథ, హీరో పాత్ర గురించి తెలియజేసే ఒక చిన్న వీడియోను విడుదల చేయనున్నట్లు తెలిపారు. ఇది “బాహుబలి” లాంటి పెద్ద ఎక్స్పెక్టేషన్స్‌తో కాకుండా, కేవలం సినిమా నేపథ్యం, పాత్ర పరిచయం కోసం ఉంటుందని వివరించారు. ఈ వీడియోను “401” సినిమా ప్రదర్శితమవుతున్న థియేటర్లలో చూడవచ్చని సూచించారు.
రామ్ చరణ్ 17వ చిత్రం (సుకుమార్ దర్శకత్వంలో) గురించి అడగగా, మొదట దసరాకు పూజ అనుకున్నామని, అయితే మూఢం కారణంగా వాయిదా పడిందని చెప్పారు. అక్టోబర్ 26 లేదా 27న మంచి ముహూర్తం చూసి ఓపెనింగ్ చేయనున్నట్లు ప్రకటించారు. మైత్రీ మూవీ మేకర్స్ నిర్మిస్తున్న ఈ భారీ ప్రాజెక్టులు సినీ ప్రేమికులలో అంచనాలను పెంచుతున్నాయి.
ఎక్కువ మంది చదివినవి : Trending Song: యూట్యూబ్ షేక్ చేస్తున్న బతుకమ్మ సాంగ్.. రెండు రోజుల్లోనే 7 లక్షల వ్యూస్.. డీజేలలో మారుమోగిపోతుంది..
ఎక్కువ మంది చదివినవి : Cinema : ఇదేం సినిమా రా నాయనా.. సైలెంట్‌గా ఓటీటీలోకి వచ్చి దుమ్ములేపుతున్న మూవీ.. ట్రెండింగ్ నంబర్ 1గా రచ్చ రచ్చ..