Buchi Babu: బుచ్చిబాబుపై కీలక వ్యాఖ్యలు.. దర్శకుడి గురించి వరేమన్నారంటే.?
చేసింది ఒక్క సినిమా.. కానీ ఆలోచనలు మాత్రం ఎవరెస్ట్.. కొడితే కుంభస్థలమే అనే కాన్ఫిడెన్స్.. ఇవన్నీ ఉప్పెన దర్శకుడు బుచ్చిబాబులో కనిపిస్తున్నాయి. మూడేళ్లుగా కల కంటున్నది ఇప్పుడు సాధించారీయన. కానీ కథ అయిపోలేదు.. ఇప్పుడే మొదలైంది. ఎవరికి వాళ్లు బుచ్చిబాబుకు కేజియఫ్ రేంజ్ ఎలివేషన్ ఇచ్చేసారు. మరి వాటిని అందుకోడానికి ఈయనేం చేయబోతున్నారు..?
చేసింది ఒక్క సినిమా.. కానీ ఆలోచనలు మాత్రం ఎవరెస్ట్.. కొడితే కుంభస్థలమే అనే కాన్ఫిడెన్స్.. ఇవన్నీ ఉప్పెన దర్శకుడు బుచ్చిబాబులో కనిపిస్తున్నాయి. మూడేళ్లుగా కల కంటున్నది ఇప్పుడు సాధించారీయన. కానీ కథ అయిపోలేదు.. ఇప్పుడే మొదలైంది. ఎవరికి వాళ్లు బుచ్చిబాబుకు కేజియఫ్ రేంజ్ ఎలివేషన్ ఇచ్చేసారు. మరి వాటిని అందుకోడానికి ఈయనేం చేయబోతున్నారు..?
మొదటి సినిమాతోనే 100 కోట్లు వసూలు చేయడం.. అందులోనూ కొత్త హీరోతో ఈ ఫీట్ చేయడం అనేది మామూలు మ్యాటర్ కాదు. కానీ దాన్ని చేసి చూపించారు బుచ్చిబాబు. ఉప్పెనతో ఇండస్ట్రీ మొత్తాన్ని తనవైపు తిరిగేలా చేసుకున్నారు. ఇదొచ్చిన మూడేళ్లకు ఇప్పుడు రెండో సినిమా మొదలుపెట్టారు. RC16 ఓపెనింగ్‌లో బుచ్చి ఆనందానికి అవధుల్లేవు.
థింక్ బిగ్ అంటారు కదా.. దానికి బెస్ట్ ఎగ్జాంపుల్ బుచ్చిబాబే. ఓపెనింగ్‌లో ఒక్కొక్కరు ఈ దర్శకుడికి ఇచ్చిన ఎలివేషన్ చూస్తే.. అతనెంత పెద్ద బరువు మోస్తున్నారో అర్థమవుతుంది. రామ్ చరణ్, జాన్వీ కపూర్, AR రెహమాన్, శివరాజ్ కుమార్.. ఇలా RC16 టీం మామూలుగా లేదు. రెండో సినిమా చేస్తున్న దర్శకుడికి ఈ రేంజ్ ప్యాడింగ్ చిన్న విషయం కాదు.
సుకుమార్ అయితే శిష్యుడిని చూసి ఒకింత ఈర్ష్య పడ్డారు కూడా. బుచ్చిబాబు ఆలోచనలెప్పుడూ భారీగానే ఉంటాయని.. ఉప్పెన సమయంలోనే అది తనకు తెలిసిందని చెప్పారు సుక్కు. ఇక బుచ్చిబాబును మ్యాడ్ అన్నారు రెహమాన్. రామ్ చరణ్ సైతం బుచ్చిబాబు లాంటి సినిమా పిచ్చోన్ని చూడలేదన్నారు.
RC16 కథను రంగస్థలం టైమ్‌లోనే రామ్ చరణ్‌కు చెప్పారు బుచ్చిబాబు. ఈ కథను మూడేళ్లు కూర్చుని రాసారు. అనుకున్నట్లుగానే భారీగానే సెటప్ చేసారు. స్పోర్ట్స్ బ్యాక్‌డ్రాప్‌లో సాగే పీరియాడిక్ సినిమా ఇది. అన్నీ కుదిర్తే జూన్ నుంచి సినిమా సెట్స్‌పైకి వెళ్లడం ఖాయం. మరి చూడాలిక.. RC16తో బుచ్చిబాబు ద్వితీయవిఘ్నాన్ని దాటేస్తారో లేదో..?