Prabhas: బాలయ్య టాక్ షోలో గుడ్ న్యూస్ చెప్పిన ప్రభాస్.! మరెన్నో ఆసక్తికర విషయాలు..

ఒకవైపు గాడ్ ఆఫ్ మాసెస్, మరోవైపు బాహుబలి.. ఈ కాంబినేషనే అదుర్స్ కదూ.. ఈ ఇద్దరూ బుల్లితెరపై కనిపిస్తే.. టీఆర్పీలు బ్లాక్‌బస్టరే. మరి వారెవరో కాదు మన డార్లింగ్ ప్రభాస్, బాలకృష్ణ. వీరిద్దరూ కలిసి ఒకే వేదికపై కనిపించారు. అదేనండీ.. బాలయ్య టాక్ షోలో పాన్ ఇండియా స్టార్ ప్రభాస్, తన క్లోజ్‌ ఫ్రెండ్‌ మ్యాచో స్టార్‌ గోపిచంద్‌తో కలిసి పాల్గొన్నాడు. తాజాగా ఈ ఎపిసోడ్‌కు సంబంధించిన షూట్ కూడా జరిగింది. ఇక బాహుబలి ఫ్యాన్స్ అంతా ఈ ఎపిసోడ్ కోసం ఆసక్తిగా ఎదురు చూస్తున్నారు. ఈ షోలో పలు ప్రశ్నలకు ప్రభాస్ నుంచి ఆసక్తికర సమాధానాలు వచ్చినట్లు తెలుస్తోంది.

అంతేకాదు ఈ షో వేదికగానే తన పెళ్లిపై కూడా ప్రభాస్ క్లారిటీ ఇచ్చారని సమాచారం. తన షోకు వచ్చిన యంగ్ సెలబ్రిటీలందర్నీ తికమక పెట్టి మరీ సమాధానాలు రాబడుతున్న బాలయ్య… ప్రభాస్‌‌ను పెళ్లి విషయంలో కూడా అలాగే తికమక పెట్టారట. తికమక పెట్టడమే కాదు.. త్వరగా పెళ్లి చేసుకోవాలని క్లాస్ కూడా పీకారట. ఇక ఆ క్రమంలోనే తన పెళ్లి గురించి ఓ గుడ్‌ న్యూస్ చెప్పారట ఈ హీరో. అటు తనపై వస్తోన్న డేటింగ్ రూమర్స్‌కు కూడా ప్రభాస్ స్పందిస్తాడని తెలుస్తోంది.

దానికితోడు… షోలో ఓ గేమ్‌లో భాగంగా.. రామ్‌ చరణ్‌కు ఫోన్ చేసి మాట్లాడతారు ప్రభాస్‌. అలా మాట్లాడే క్రమంలో.. ప్రభాస్ త్వరలో ఓ గుడ్‌ న్యూస్‌ చెబుతారని.. చెర్రీ బాలయ్యతో అంటారట. ఇక ఇది కూడా మన బాహుబలి హీరో పెళ్లి గురించే అయింటుందని ఇండస్ట్రీలో టాక్. కాని అసలు విషయం ఏంటనేది తెలియాలంటే.. అన్‌స్టాపబుల్ ఎపిసోడ్‌ 6 ప్రోమో వచ్చే వరకు మాత్రం ఆగాల్సిందే! కాగా, ఇప్పటికే ఈ ఎపిసోడ్‌కు సంబంధించిన ఫోటోలు, వీడియో నెట్టింట తెగ వైరల్ అవుతున్నాయి. అటు నందమూరి బాలకృష్ణ హోస్ట్‌గా వ్యవహరిస్తోన్న అన్‌స్టాపబుల్‌ విత్‌ ఎన్‌బీకే సీజన్‌-2 సక్సెస్‌ ఫుల్‌గా దూసుకెళ్తున్న విషయం తెలిసిందే. ప్రముఖ తెలుగు ఓటీటీ ప్లాట్‌ఫామ్‌ ఆహాలో ప్రసారమవుతోన్న ఈ టాక్‌షో మొదటి సీజన్‌కు మించి ఆదరణ దక్కించుకుంటోంది.